30-01-2011, 04:17 PM
|
 |
التخصص العملى: Interior designer
هواياتي: Arts
|
|
تاريخ التسجيل: May 2008
الموقع: Cairo
المشاركات: 2,730
|
|
رد: "يوم الغضب".
يا جماعة أنا لسه متعلق هنا في باريس
و خلاص أعصابي باظت و بطني اتقلبت
كل ما اكلم مراتي ألاقيها هتعيط و أولادي خايفين
و تقولي كل شوية نسمع ضرب نار و بلطجية
و رجالة العمارة و الشارع قاعدين طول الليل في الشارع بيحموه
و دخلت عربية المنطقة ،، الجامع نده علي الناس ،،،
الناس راحت الجامع و هيا بتهتف الله أكبر ،، الله أكبر و طاردوا العربية لحد ما خرجت
و الجامع مش بيقفل و الناس قاعده فيه
ملحوظة ده في منطقة هادية نسبيا ،،، النزهة الجديدة
أسرتي مش عارف هيعملوا أيه بعد ما الأكل يخلص في البيت و مفيش محلات فاتحة
أو الفلوس تخلص و البنوك قافلة ،،، الفلوس مش مشكلة ،،، بس مشكلة المحلات و الأكل و الشرب
إختلافي الوحيد معاها ،، إنها مش مقتنعة خالص إن ده بترتيب من الأمن أو علي الأقل جزء منه
عشان لينا قرايب كتير ضباط شرطة ،،، واحد منهم اتخطف ،، و التاني قسمه اتحرق و واقف مع الناس في الشارع بتاعه يحميه
أنا عايز ارجع مصر بأي طريقة ،،،
المشاركة الأصلية كتبت بواسطة horas3000
يا جماعة الاخبار لا تسر
وصلني اخبار مؤسفة من مصر
البلطجية بيستهدفوا الشرطة عيني عينك
و افراد الشرطة كلهم خلعوا اللبس الميري و هربوا
احد قرايبي من الظباط بيقولنا طلعوا عليه بالرشاشات
و بياكد انه في خلال دفاعة عن نفسه اضطر يقتل 4
و طبعا بما انه لسه شاب انهار عصبيا
و واحد تاني ناس مخبيونه عندهم و مش عارف يخرج لانه بلبسه الميري
و ناس تانية في حدائق القبه و مدينه نصر البلطجية بالسنج و المطاوي و الرشاشات و بيهددوا الناس في الشوارع
مصر يسيطر عليها الرعاع و البلطجية و الخارجين عن القانون
و الجيش ملتزم الصمت و الاعتدال و مش عايز يحتك بالناس رغم انهم احتكوا بيه و كلكم شفتم المدرعة المحروقة في التحرير
دعواتكم مع مصر و شعبها
|
يا أ / شريف ،،، الناس دي أنا مقتنع تماما إنهم من فلول الداخلية
الموضوع مش منطقي و التزامن اللحظي ما بين اختفاء الشرطة و ظهور سيارات و موتسكيلات الارهابيين غير منطقي
أكيد طبعا فيه نسبة من الغوغاء و العشوائيات
بس الموضوع بتنظيم تام من الدولة ،،،
|