[sad-bird]

المشاركة الأصلية كتبت بواسطة حازم شاهين لا أنا مظنش إن الوضع هيوصل للإنهيار التام للنظام بالصورة دى لكن أعتقد إن فيه بعض المكاسب حصلت خلاص أولها إن مشروع التوريث مات و شبع موت و لا سبيل لتنفيذه اﻵن ثانيا إن فيه إمكانية للحصول على بعض المكاسب السياسية ممكن الوصول ليها منها إعادة النظر فى حكومة رجال اﻷعمال و إرتفاع سقف الحريات و حاجات تانية كتير و فيه شكوك حاليا و إﻻتباك بخصوص انتخابات الرئاسية القادمة ثالثا هيحصل تراجع كبير أو إعادة نظر فى الكثير من القرارات و القوانين ذات الطابع اﻹقتصادى و اللى كان بيتخطط لاتخاذها فى السنة الجاية دى أقل المكاسب و إللى إتحققت لغاية دلوقتى يعنى لو المظاهرات توقفت دلوقتى يبقى المكاسب دى إتحققت أما المدى إللى ممكن توصله المظاهرات دى فمش عارف بصراحة لكن لا أعتقد زى ما قلت إن الحكومة و الحزب الوطنى هينهار تماما زى ما حضرتك قولت أخيرا خسائر البورصة دى خسائر لمستثمرين و بنوك و مضاربين و ليس لها تأثير مباشر على الناس الغلابة قد يكون ليها تأثير غير مباشر خلال فترة أو على المدى المتوسط لكن كل قطاعات اﻹقتصاد المصرى بتسير بشكل طبيعى و بدون أى إختلال

مهو ياباشا المستثمرين دول هما اللي واخدين القروض

وكمان انيهار الاقتصاد والبورصة هيخسف بالجنية الارض اذا كان من يوم حادث الكنيسة لغايه النهاردة مرورا بكل الاحداث زاد الدولار حوالي 35 قرش امال لو انهارت تماما بقى هيبقى الوضع ايه واحنا زي ما حضرتك عارف بنصنع كل حاجة من الابرة للصاروووووخ ولا نعتمد على اي دول اخرى ابداااااااااااااااااااااا ااااااااا ( والعكس صحيح طبعا )

اتفق معك ان فيه مكاسب كثيرة سياسية لكن مقابلها خسائر تانية مادية وبشرية واقتصادية والسياسة لازم لها اقتصاد قوي وقوي بشرية تدعمها
واحنا للأسف نفسنا قصير مبنعرفش نصبر ودي احدى الاسباب اللي خلت المجتمعات النمور الاسيوية تعدي اسرع مننا علشان عندهم صبر ونظام