رد: أدب الرحلات
يابنى اقرا كويس
اكتوبر مين ؟؟؟؟
انا اتكلمت عن كوبرى اكتوبرمش مدينة 6 اكتوبر وميدان التحريروميدان عبد المنعم رياض ووسط البلد بصفة عامة وكانت جولة استمرت من الساعة 6 الى الساعة 9 بالليل
وحسبى الله ونعم الوكيل فى الاعلام النصاب اللى بيقول كلام والواقع كلام تانى
واذا لاحظت صور قناة الجزيرة لانى فاتحها طول النهار
هتلاحظ انهم بيركزو على واحد متعور ويقربو الصورة جدا علشان متشوفش الخلفية الفاضية
او واحد مخنوق من ريحة البارود بتاع الرصاص اللى انضرب فى الهواء وانا شخصيا عينى وجعتنى منه وابتدت تزغلل ولولا اصرارى انى اتفـقد المنطقـة كنت روحت بيتنا من بدرى
وبرضه مع تقريب صورة لحجب الخلفية الفاضية
او واحد رمى نفسى على رجال الامن فاضطرو يضربوه
وبرضه مع تقريب الصورة لحجب الخلفية الفاضية
او يجيبو الصور بتاعة اول امبارح
وللحق اقول
ان اول امبارح اهتز الكرسى من تحت مبارك وعصابته ولكن الداخلية كانو مخلصين له واستماتو فى تخليص الموقـف
بعكس بن على لما أمر قائد الجيش عنده بالضرب فى المليان .... رفض الراجل واعلن التمرد على بن على
و...دى كانت نقطة التحول اللى ساعدت الجماهير فى تونس .....
لكن عندنا ارض الواقع تقول ان المسألة مسألة وقت .... ثم نعود لاستئناف الدورى العام وبطولة افريقيا
وتمورة وعمورة ابطال الاغنية
و........كلمنى ....شكرا
اللهم ولى من يصلح
اللهم آمين
__________________
انتقل الى رحمة الله .. ونسأل الله له الرحمة والغفران
التعديل الأخير تم بواسطة خالدخليفة ; 27-01-2011 الساعة 11:27 AM
|