[omarken]

المشاركة الأصلية كتبت بواسطة omarken انا كنت موجود من نصف ساعه فى مظاهرة وكاله البلح وبالفعل رأيت ضحايا يشتبه فى انهم قتلى وهم من الشباب ورفعت بيدي رجل (عجوز) كان فى حالة اختناق شديده والحمد لله اصبحت حالته مستقره منذ قليل ولقد تعرضنا لأساليب تفريق بالقوة ( المفرطه) والله العظيم الأمن واخد تعليمات بأن ارواح المصريين ليس لها اى ثمن وهذا ما رأيته بعيني والله على ما أقول شهيد انا شخصيا تعرضت لأربع نوبات اختناق وكنت مازلت صامدا ولكنى فى الاخيره تم اجلائي من قبل اصدقائي خوفا على حالتى الصحيه

المشاركة الأصلية كتبت بواسطة omarken انا خرجت من الفجر امبارح ولسه راجع حالا وللأسف مكانش فى فرصه غير وقت قليل جدا دخلت مطعم وفتحت النت ودخلت على مصر موتورز وكمان لاقيت الفيسبوك مقفول ونسيت اسأل على رقم تليفون حد من الاعضاء علشان اتابع معاه

المشاركة الأصلية كتبت بواسطة omarken للأسف انا مش قادر اوصف اللى بيحصل لسانى عاجز والله اقسم بالله العظيم اقل ما يقال انه استخدام للقوة المفرطه والبلطجة وحروب الشوارع ضد متظاهرين يهتفون "سلميه سلميه " ويقابلنا الجنود بوابل من القنابل المسيله للدموع واللتى تعلمون جيدا ما هو تأثيرها تجمعنا وتفرقنا لأكثر من 10 مرات فى شوارع السبتيه ووكالة البلح وأمام وزارة الخارجيه ولكن للأسف يتم التفريق بوابل من القنابل المسيله للدموع والرصاص المطاطى واللذى حصد 2 من ارواح الأبرياء اللذين نحسبهم شهداء عن الله

المشاركة الأصلية كتبت بواسطة omarken انا نازل بكره وبعده وبعده وبعده ان شاء الله ياريت تبعتلى الرقم ع الخاص تحياتى

المشاركة الأصلية كتبت بواسطة omarken انا تكلمت مع لواء واقف أمام نقابة الصحفيين اللواء طالبنا بالرحيل عندما كننا قله قليله وقال : لو واحد فيكو اتمسك هايقعد يعيط ويقوللنا انا مكنتش نعاهم وانا ماليش دعوه انا : حضرتك لو اتحطيت مكاننا ولاقيت ناس بيضربوك بالعصى والصواعق هاتقول مكنتش معاهم نظرلى نظره دامت ل 10 ثوان وقاللى انا مش عارف اعمل ايه وأقسم بالله العظيم انو عندو ابن فى الصف الثانى الثانوي وقال انا مكسوف ابص فى وش ابنى ( مش عارف اقوللو ايه )

ده اجمالى المشاركات
لو حد عايز يسأل عن حاجه من ارض الوقع ( المظاهرات ) يسئل لأنى مش قادر اجمع كل حاجه دلوقتى