[sad-bird]

المشاركة الأصلية كتبت بواسطة nktis انا كان من راي ان الموضوع بين النظام والشعب يحل وديا بس بعد ما عرفت ان فيه ناس اتقتلت علي ايد الامن يبقي بقي ربنا ينصرنا ومش عايز المظاهرات تخلص غير ومعاها التغيير...

حبيبي يا دكتور نوح
انا برضة من رأيك كده
بس ازاااااااااااااااااي
فيه راجل محترم اسمه المهندس /حسب الله الكفراوي وزير الاسكان الاسبق ، تعرفه ؟؟
اه والله راجل محترم علىالاقل من وجهة نظري
اتصلو بيه مرة في التليفون على برنامج 90 دقيقة وبيكلمه معتز عن متابعته للبرامج والاخبار رد عليه فيم معناه
قاله لا بطلت ....... اصلها كلها بقت تسد النفس وانا راجل في اخر عمري ولا متحمل نرزفه ولا عصبية ولا هم وعاوز اعصابي تهدي لغايه لما يجي أجل ربنا ولا عاوز منصب ولا سلطة ولا مال
معتز / طيب ايه رايك في اللي بيحصل
الكفراوي / اللي بيحصل ده حاجة تجيب المرض لما تبقى الدولة مش حاسة بحاجة بيحسها الشعب والشعب مش شايف التنمية اللي بتقول عليها الدولة يبقى البلد تخرب لان دور الدولة او الادارة انها تحس بالللي بتديرهم ودور الشعب انه يساعد الدولة على الادارة لكن دول في وادي ودول في وادي


طبعا ده مش نفس النص اللي اتقال بس الكلام مما معناه كده ودي اقرب صورة اقدر اوضحها ليك على ما اذكر

اما بقى عن الحلول الودية فدي مش معركة اصلا اللي عملها معركة التصرفات الغير مسئولة من المسئولين ابتداء من اصغر موظفي الدولة فكر ياخد رشوة او يوقف المراكب السايرة لغاية رئيس وزارة اللي مش حاسس يعني ايه شعب وبلاش نتكلم اكتر من كده لحسن شكلي هاجي اشرف جنبك في وادي النطرون