المشاركة الأصلية كتبت بواسطة mido-spicy
مش صعب اللى انت بتقوله دا شويه يا برنس ؟
اولا فى حالة عدم وجود رئيس للجمهوريه يتولى الحكم نائبة او رئيس مجلس الشعب لمده لا تتعدى 40 يوم
ثانيا : حتى لو وزير الدفاع مسك زى ما انت بتقول دا قرار مش تشريعى ولا يمكن باى حال من الاحوال الاسترار فيه
ثالثا : اللى بيحصل فى السودان ليه ابعاد تانيه خالص غير اللى بيحصل دلوقتى هبقى اقولك عليها لما نخلص من مصر واللى بيحصل فيها الاول
رابعا : من غير ما يحصل اى حاجه من اللى انت بتقول عليها دى ماكلنا سلمنا على مصر من زمان |
يا باشا راجع السياق اللي كان عليه الكلام بتاعي
السياق كان من ضمن التعليقات اللي كانت على صورة المطالب بتاعت المتظاهرين وفيها تحديدا او 3 او 4 بنود
1. تنحي رئيس الجمهورية
2. فض مجلسي الشعب والشوري
3. حل الوزارة
4. تغيير الدستور
طبعا ده كلام مش منطقي وكان تعليقي قبلها ان لازم واحد من دول يفضل زي ما هوا والا هيبقى الحاكم هو قائد الجيوش حتى حين
ليه بقى
لان الدستور الحالي في حال عدم وجود رئيس الجمهورية او عدم اهليته للقيام بمهامه ينوب عنه النائب
طيب احنا معندناش نائب يبق مين هينوب
رئيس الوزارة طيب احنا هنحل الوزراة مهي من ضمن المطالب يبقى مين هيمسك رئيس مجلس الشعب
طيب مهو هيتحل هو كمان مين يمسك رئيس مجلس الشوري
طيب مهو هيتحل هو كمان مين هيمسك مفيش غير القائد العام للقوات المسلحة
وطبعا هيبقى فيه هييييييصة ومشاكل طويلة مش اقل من سنتين تلاته لما الوضع يستقر يبقى حلني بقى على ما الوضع يستقر
ده كان سياق وترتيب الكلام المقصود مكنش المقصود الوصول للنتيجة الأخيرة مرة واحده
اما عن استبعاد حضرتك للي بيحصل في السودان انه مش هيحصل هنا طيب ازاي ااذ كان الفتنة بتتغرس بينا بقالها سنين وهتلاقي كل جبهة عاوزة تتفصل لوحدها دولة لوحدها
مش كده والا اييييييييييييييه ( على رأي فؤاد المهندس )
4 44546