[sad-bird]

المشاركة الأصلية كتبت بواسطة حسام البورسعيدى طب السؤال اللى بيطرح نفسه بعد الكلام ده ... ليه الناس مش بتشترى اللحمة ام 35 دى وتشترى ام 70 ؟؟؟ يعنى بمعنى اخر ايه عيوب اللحمة دى ؟؟

لأن ده موروث ثقافي يا عم حسام وخلفيات الناس تناقلتها عبر الزمن
الفراخ البلدي هيا اللي تتاكل وبس المزارع لأ حتى الفراخ البلدي اللي بتيجي من مزارع لأ عاوزين فراخ بلدي متربية في البيت حتى لو وزنها أقل
اللحمة البلدي ولازم تكون مدبوحة قدامك او متعلقه عند الجزار وعارف معلوفه ايه عشان تطمن انها بلدي ومفيش فيها حاجة غلط
رغم انك بتكون شايفها بتاكل العلف زيها زي اللي في المزرعة

ونفس الكلام على السمك الناس دايما تفضل السمك البلطي عن باقي الاسماك ويا سلام بقى لو واحد قاعد على شط ترعة او فرع النيل وبيبيع السمك وهو بيلعب يقولوا ده طازة وزي الفل رغم ان فيه ناس كتير بتجيب السمك من مزارع السمك وتحطه في ميه وتقعد على الشط وتقولك لسه صايدينه
مع العلم ان السمك الماكريل مثلا اللي اغلب الناس مش بترضي تشتريه علشان مستورد ومتجمد يقولو لأ عليه ومع ذلك هو من اغنى الامساك بالفسفور والفيتامينات اكتر من السمك النيلي ويكفي انه بيتغذي من البحر مباشره في مناطق لا تزال بكر نوعا ما ولم يصيبها اي نوع من انواع التلوث
طبعا انا بتكلم عن البلطي والروسي لان ده المتوافر عند غالبيه الشعب محدش هيقدر على الجمبري والكابوريا والاستاكوزا الا قليل