[abo-gamal]

المشاركة الأصلية كتبت بواسطة حسام البورسعيدى هو ممكن نظريا .. لكن عمليا صعب لأنك لازم تجيب فتيس اتوماتيك بملحقاته ويكون نفس فتيس اللوجان ... وهتحتاج تغير وحده التحكم واجزاء من الكونسول وكمان لوحة العدادات (لو فى اختلاف ما بينها وبين الاتوماتيك) .. فيلم كبير .... عموما المعروف عن عربيتك اللوجان ان مفيش منها اتوماتيك لغايه دلوقتى .. لكن احب اقولكم انى شفتها هنا قبل كده هنا فى بورسعيد اتوماتيك .. بس كانت الاستيشن مش السيدان .. عموما العربية لسه جديدة وحرام تعدل فيها تعديل خطير زى ده .. مع العلم انها عربية جديدة فى السوق وقليل اللى بيفهم فيها كويس ويقدر يعملك التعديل ده .. عارف لو كانت لانوس او فيرنا مثلا كنت هقولك ماشى .. كنت هتشوفلك نص استيراد وتاخد منه اللى انت محتاجه بسهولة لكن بلاش مع اللوجان ..

بداية اشكركم على الاهتمام وسرعة الرد لكن لى بعض الا ستفسارات :
- تقريبا كام تبلغ تكلفة شراء الفتيس والتركيب
- ثانيا انا شوفت الوجان على صفحة النت بدبي نازل معاها فتيس اتوماتيك واعتقد الاستاذ رينو18 الصورة الموجودة معاها للسيارة وبها فتيس اتوماتيك
- الحاجة بصراحة اللى خلتنى افكر فى الموضوع ده شوارع القاهرة الزحمة بصراحة احيان كثيرة اقضى من ساعتين الى ثلاث ساعات داخل السيارة وطبعا مش عاوز اقولك العذاب فى السواقة رجلى من كتر الضغط على الدبرياج والفرامل خلاص اتخنقت - علشان كده فكرت فى الموضوع ده لكن لو العملية هاتكون صعبة خلاص امرى الى الله
- مرة تانية اشكركم للمشاركة وفى انتظار ردودكم الكريمة