لسلام عليكم و رحمة الله و بركاته
أنا كنت في المعرض يوم الجمعة 14-1-2011 و كنت محتار بين المنوال و الأوتوماتيك، و عملت استخارة و قلت لما أروح المعرض اللي نفسي هتستريح لها هحجزها إن شاء الله
أنا كنت في المعرض بعد صلاة الجمعة مباشرة ، دخلت إتفرجت على كذا عربية من كذا شركة و بعد كدا رحت على BYD
أول ماوصلت هناك شفت BYD عارضة كذا عربية و كان ترتيبهم في الوقوف كالاتي :
1-G3 و ده على حسب ما سمعت انها هتنزل بعد 15 ابريل و هتكون في حدود 90000 مانول
2-F3 سبورت محلي (هي هي اللي موجودة بس ال شركة حطة فيها options عشان اللي عايز يظبط ال عربية ،يعني هي مش بتتباع كدة)
3-F3 اتوماتيك مستوردة (عشان هما لسة ماعندهمش تجميع محلي لها فكانو جايبنهة عشان المعرض )
4-M6 و ده تحفة بجد نسخة من Toyota Previa
F0-5
أنا قلت قبل محجز اوتوماتيك أو منوال أشوف ال-options بتاعت الأوتوماتيك كويسة و شغالة و التقفيل اه نظامه بتاع فتحة السقف و كدة يعني
كلمة الراجل بتاع المبيعات هناك و قلتله أنا عايز احجز الأوتوماتيك بس محتاجك تدورهالي و أشوف فتحة السقف و هي بتشتغل و الباركينج سنسور و اللايت سنسور
بصراحة الراجل كان في قمة الذوق و الإحترام و إستحملني كتير ، جاب المفتاح و وراني إلي أنا عايزه و فعلاً لما شفت الحاجة و هي شغالة و بالذات فتحة السقف و تقفلها عامل ازاي توكلت على الله و قلتله ححجزهة إن شاء الله
طب بكم؟؟ قلي المنوال 66000 في المعرض و 67000 بعد المعرض و الأوتوماتيك 78000 في إمعرد و 80000 بعد المعرض ، قلتله خلاص أنا هحجز الأوتوماتيك
المهم خدت إيصال بالحجز و عملت عرض سعر فيه كل مواصفات العربية و حجزت اللون الفراني و الإستلام بعد 15 مارس
بعد مامشت و رحت جناح البنوك، و خدت لفة هناك حبيت اني أغير عرض السعر لبنك تاني، رجعت للراجل اللي حجزت معه و قلتله ينفع أغير عرض السعر على بنك تاني قلي مفش مشكلة و عملنا عرض سعر تاني و قلي خلي عرض السعر الأولاني معك عشان لو حبيت تغير رأيك، بصرحة كان محترم قوي و فعلاً كان فاهم شغله كويس
G3
F3 Manual
F3 Automatic
M6
