|
عرض الرينو الرينبو
الرينو الرينبو ما هى الا الرينو 19 (طبعا فيه شويه اختلافات) وانا متأكد ان محدش هيقدر يعرفها غير اللى عنده خبره فى الرينو عشان كده انا هشاركم الخبره دى ونتعلم كلنا
اولا:الرينبو ابتدت من سنه 1994(اخرها)
الرينبو اول ما منزلت كانت هى هى الرينو ال19 بس مع تعديلات(معتقدش انها كانت للافضل)
اول تعديل من غير تريقه لان الموضوع ده معذب ناس كتير معاهم رينبو
1-تغيير نظام طلمبه المياه(وده سبب شكوى كتير من الناس من السخونه)
2-طبعا اصبح فيها نسبه 40% صناعه تركيه(مش زى ال19 جايه مقفوله من فرنسا)
3-تم تركيب غمازتين فى جنب السياره
4-تم الغاء الباور ستيرنج
الكلام ده لغايه سنه 1996
وبعد 1996 تم عمل تغيير جديد فى الرينبو
1-بقت بتنزل ب باور ستيرنج
2-شالو منها التكييفptmnlo123per155
عملوا حركه جديده انهم خلوا اكصدامات العربيه بلون العربيه(اعتقد هى دى الحاجه الوحيده اللى ليها لزمه كتجديد)
لكن الموتور بتاعتها 1300cc ونازل فيه اوبشن انك تزوده لغايه ما يبقى زى ال19 1400ccطبعا انا مجربتش الكلام ده لانى مش خبير ميكانيكا قوى بس اللى كانت مع صاحبى عملنا فيها الحوار ده فعلا سحبها زاد بس مكنتش حاسسها مستريحه زى ما يكون مضغوط عليها
ومن موديل 98 لغايه 2000 (فى مصر)رجعت تانى تنزل كامله زى ال19
بالنسبه لقطع الغيار فأنا معنديش فكره غير عن تيل الفرامل الامامى
85 جنيه تركى اصلى(اللى غيرته لعربيتى)
لكن هى فى الثبات والعفشه تعتبر هى هى ال19
ولو فيه اى حاجه نسيت اقولها يا ريت الرجاله يفكرونى
وشكرا
__________________
انتظروا تجربتى مع رينو فلوانس
|