24-01-2011, 06:59 PM
|
|
|
|
تاريخ التسجيل: Oct 2008
الموقع: 6 أكتوبر .... المحافظه مش الكوبري
المشاركات: 4,720
|
|
رد: لوحات فاروق حسنى ( الصبر من عندك يا رب )
يا جماعه الرسومات دي ما بعد السرياليه .... وتتخطى مفهوم انصاف المثقفين اللي زينا
المدام خريجه فنون جميله و لما فرجتها اللوحات الفنيه دي فهمتني كل حاجه
الفن السريالي هو تعبير عن الاحلام او الافكار الا شعوريه
وكل واحد بيشوف اللوحه من خلال الا شعور او عقله الباطن .. لأن الفنان اللي رسم اللوحه رسمها بعقله الباطن
فالمضمون يعبر عن المكنون العاطفي للا وعي للاشكال الخياليه الفراغيه
اما اللوحات العظيمه دي ... فدي تتبع الفن التشكيكي ... و ده مزيج من الفن السريالي اللي قلناه قبل كده .. و الفن التشكيلي ... يعني الاشكال الهندسيه و الطبيعيه
ودي بتعتمد على المتلقي اكتر ما بتعتمد على الفنان اللي رسمها
في البدايه لازم تتفرج على اللوحه من خلال الا شعور او الا وعي ...
يعني متبصش على اللوحه بعينينك ... لا تشوفها بالا شعور .. او بعقلك الباطن
و بعدين تبتدي تستنبط مضمونها ... من خلال التغلغل في معاني الاشكال و الالوان المعبره عن مكنونك الداخلي ...
وتستخرج المعاني المختلفه .. وتشوف هيا بتعبر عن ايه بالظبط من المعاني دي
وساعتها حتبتدي تستنبط المعنى من خلال ...
الشك ...
ازاي
الاول ....
لازم تشك في اللوحه
وبعدين ...
في اللي رسم اللوحه
وفي اللي سمح بعرض اللوحه
وفي الناس اللي بتتفرج على اللوحه
وبعدين في الناس اللي اشترت اللوحه دي ...
وفي الاخر حتشك في نفسك ...
انك ضيعت كل الوقت ده في اللا وعي والا شعور
و بكده تلاقي نفسك بقيت خبير في الفن التشكيكي
رابط لمجموعه الاعمال ...
http://www.faroukhosny.com/Art/Paint...2/Default.aspx
__________________
من تواضع لله رفعه The ultimate car would be designed by Italians engineered by Germans built by Japanese &
|