[حسام البورسعيدى]

انا روحت لميكانيكي اخر النهارده وقالى نفس الكلام انه مش هيتحدد شئ الا لما المكنه تتحل ويبان فيها ايه ومحتاجه نص ولا عمره كامله ؟؟؟؟

طيب تمام ..

وله راى برضه فى موضوع العمره انها افضل من المكنة الاستيراد لانك ممكن تشتريه وتمشي بيها شهرين تلاته مثلا وترجع تعمرها

هههههههههه

ده طبعا شغل ميكانيكية يا كبير ..

اكيد طبعا هيقولك ان العمرة افضل علشان يشتغل ويقبض مصنعية اكتر ..

انما لو جبتله مكنه جديدة المصنعية هتقل جامد ...

وبيقول حتى لو خرطت قبل كده لكن متكونش الخرطه الاخيره عادى تعمرها افضل من انك تشترى مكنة استيراد بطيخه مقفوله

كلام مش مظبوط لأنك لما بتجيب مكنه بتاخدها مع اتفاق تجربة لمده شهر مثلا .. وفى الشهر ده بيبان حاله المكنة معاك بالتأكيد ..

هو اساسا لو هو كان صنايعى شاطر كان قالك انا هعرفلك حالتها مبدئيا وهى على الارض .. مش يقولك بطيخة مقفولة ههههههههه

ده كلام صنايعى فاشل ...

وقالى ان وش مكنتى اتحل قبل كده باين من مساميره وبص من تحتها من الجمب وقالى احتمال كبير تكون مركبه جوان دوبل

ربنا يستر بقى والوش ميكونش مقفع او اتخرط قبل كده ...

عموما ممكن الوش ياخد وش مخرطة مش مشكلة اوى لانها بتتعالج بالجوان الدبل .. اهم حاجة بلوك المكنة (الشمايز والبساتم والكرنك) يكونوا استندرد ...

وبخصوص الفتيس قالى مبشتغلش فيه لكن وانا حالل المكنه اديلك الفتيس توديه لعفشجي يشوفهولك وبقوله على الصوت اللى موجود ولما بدوس دبرياج بيروح وكان رايه انه مش بلية دبرياج وان ده من داخل الفتيس نفسه وبيقول ان لو بلية دبرياج كان يحصل العكس انك لما تدوس دبرياج الصوت يجي مش يروح ؟؟؟؟؟؟؟؟؟

بصراحة اوى مره اشوف ميكانيكى مش بيشتغل فى الفتيس هههههههه

لأ ويقولك وديه لعفشجى ههههههههههههه

سيبك من الفاشل ده احسن العمليه مش ناقصة ..

والصوت ده من بلية الدبرياج ودى حاجة معروفه للجميع ..

اوعى تصلح عنده لان واضح كده انه فاااااشل ..

وافتكر انى قولتلك بلاااااااااااش (على رأى هنيدى)