[ابوشروق]

اسواء يوم فى حياتك وذلك لتعلم من اخطاء الغير واحب أبداء بنفسى يوم السبت الموافق 8-1-2011 يوم اجازتى من العمل ويوم خروج اولادى للفسحه الاسبوعيه قولت أضحك عليهم وعلى ميصحو من النوم اروح اجدد رخصت السيارة فى المرور مع العلم أنى ساكن خلف المرور با الاميريه /وصحيت بدرى ورحت واول ما الموظف شاف الرخصه قالى روح هات مخالفات النمر القديمه من المرور التابع ليه صاحب السياره السابق مع العلم أنى ناقل ملكيه من سنه ومركب لوحات جديده وعارفين المرور فين حلوان عملت ناصح ورحت واخد المتروعلى حلوان وهناك بكل بساطه قالولىىىىىىىىى دى تبع المعادى يعم ازاى ده صاحب العربيه جابلى برائة زمه من هنا قالى تبع المعادىىىى وهماعارفين من الارقام القديمه ورحت المعادى قعت الف حولين الشبابيك كأنى فى الملاهى وبعدين الموظف أول ما شاف الرخصه كأنى بايت فى حضنه راح رامى الرخصه وقالى مفاجأه؟؟؟؟؟ .الدراسه ؟ياعم أزاى الدراسههههههه ورحت الدراسه والحمد لله جبت البرائه من النيابه ورحت راجع على الاميريه وعملت الرخصه وعارف الساعه بقت كام على مخلصت 4.30 مساء وطبعن روحت فرحان بأنتصارى ويفرحه متمت أولادى زعلانين وانا تعبان اوى وجه عليا الليل التعب ذاد اوى الم شديد فى الزراع والكتف روحت على الدكتور طلب اشاعه على الكتف والرقبه وكانت المفاجأة انزلاق غضروفى بلفقره 4-5 وطلب منى ألبس رقبه بلاستك لأجل غير مسمى 24ساعه فى 24ساعه مع العلاج الى كله مسكنات وتعبتلى المعده وايه كمان غيبت عن الشغل وال أيه انتصرت أومال لو اتهزمت كان ايه الى حصل نصيحه من اخوكم محدش يجهد نفسه فى المشاوير او العمل لأن مفيش حاجه تستاهل بلا رخصه بلا نيله بقه أسألكم الدعاء بلشفاء