المشاركة الأصلية كتبت بواسطة MEGAREKAB
الموضوع ده لازم يتقفل
والمطلوب من الاعضاء عدم الرد نهائيا
ولا انتوا عاوزين الموضوع يبقى دايما فى مقدمة المواضيع
الموضوع فطش فى فطش والدليل
"قالوله" |
السلام عليكم
محمد باشاااااااااااا عبد المجيد انا ضد غلق الموضوع
الموضوع بيصب فى مصلحه البروتون ودليل قاطع على اعداء السيارة ومش بس كده لا كمان جهل اعداء السيارة
ممكن اضيف كمان انواع واشكال الدعاية
أي عربية بيتعمل ليها دعاية بكافة ألوان الدعاية بتتباع حتى وان كانت سيارة زي الزفت بتتباع
مثال توكيل لسيارة فرنسية شهيير جداً جداً خرب بيوت الناس بسبب استهلاك السيارة كم غير عادى من البطارية والموبينة والكنترول يونت والمفتاح والخ كل ده بسبب غلط فى كود البوجيه ونوع البنزين وجهل الفنيين الخ .
ورغم ذلك الناس بتنسى لما عمل دعاية مكثفة لسيارة مستوردة سعرها قريب من سعر الساجا الناس نسيت اتعمل غسيل الدماغ وخلاص .
تفتكر حضرتك أنا أو أي حد فى منتدى بروتون بايع كام عربيه لوحده كده بدون ولا عموله ولا مرتب كتيييير جدا
الدعاية ليها اشكال كتير جداً أنا عن نفسى صغير جداً جداً على معرفتها
أمثلة أخرى
ممكن تخلي الناس تكره عربية هات عربية س واعمل ليها حادثة جامدة وحطها فى مكان مزدحم لمدة شهر الناس حتقرف من العربية
هات عربية وروشها بالبدي واطلقها فى الشارع الشباب حتحبها
هات عربية وحمل فيها بشر كتير وشنط كتير الكبار حيقولو عليها حمالة اسييه
هات عربية دلعها ألوان بمبي وألوان غريبة وخلي صاروخ تسوق ( طبعا انت عارف النتيجة)
كل ده بالبلدي كده (دعاية سوداء )
اعمل اعلان للعربية ( يتشاف ويتسمع)
اعمل اعلان لتيست درايف
اعمل اوت دور فى مناطق حيوية
اعمل صفقه مع شركة ادوية تاخد منك كم رهيب
كل ده بالبلدي كده ( دعاية بيضاء )
اعمل مشترى السيارة على منتدى وان السيارة بها مميزات كتير وطلع عيب صغير وكبره ( الناس حتصدق وتكره العربية الحلوة)
والخ وده بالبلدي كده ( دعاية رماضية اللون ) الاخطر على الاطلاق
كل ماسبق انت بتبنى صورة فى مخ المتلقي ( كل لما يتقال السيارة س يفتكر )
وافكار اخرى كتيييير جدا
اعتذر عن اسلوبي البلدي
بس لاحظ الي بقوله فى السوق المصرى الغريب والعجيب
انا فى رهان ان بروتون خلال فترة قليلة جدا سوف تكون رقم 1 فى مصر بسبب جودة امكانيات أمان قوه ثبات والعنصر الاهم السعر
شكراً
مفيش حد يكتشيفنى ( سباركل )