[sad-bird]

المشاركة الأصلية كتبت بواسطة ابوسهيلة هو معظم المدن حاليا من الناس ارخص بس الميزة في القرعة هو التقسيط والملكية الملكية يعني لو رسية عليك هتبقي المالك الاصلي مش هتحتاج تنازل او بيع بتوكل عام وخاص وشوية مشاكل كده بتعملها موضوع التوكيلات علشان يجبروك علي التنازل ويأخذو نسبتهم بس في المجمل الناس ارخص حتي هذه اللحظة

اهو عيب المدن الجديدة في شغل التوكيلات كده
مرة روحت مع واحد واتفق على الارض خلاص والسعر تمام والارض ورقها سليم وروحنا الجهاز نسجل لقيناه بايع من 6 توكيلات وهو السابع وعلى كل توكيل علشان تنقل الملكية باسمك 2000 يعني 14 ألف رايحين اونة بسبب موضوع التسجيل واكتشفت وقتها ان اقل ارض ممكن يكون ليها توكيلات بتكون من 3 او 4 توكيلات

المشاركة الأصلية كتبت بواسطة ابوسهيلة اما الاراضي اللي بتتباع قدام الشروق لو تقصد القادسية والامل اللي علي طريق الاسماعيلية الصحراوي انا حاليا ما بنصحش بيهم الاول انه تقسيم ملك اشخاص يعني مش مدن جديدة وده له عيوب كتيرة الثاني هو ان اغلب الاراضي دي ما زالت استصلاح زراعي ولم تدخل كردون مباني بعد اخيرا انها بقالها فترة طويلة بنفس الاسعار تقريبا وبدون مرافق او خدمات الا القليل

يا باشا فيه اراضي تانية غير القادسية امام سينما السيارات في الشروق من جوه مش على الطريق دي اسعارها ايه وايه نظامها

المشاركة الأصلية كتبت بواسطة ابوسهيلة اما موضوع الاراضي اللي من غير تقييد بالمساحة فدي هتلاقي في مناطقنا الشعبية فيصل او الهرم او شبرا اي بعيدا عن المدن الجديدة او الاحياء الراقية اما الادوار ففي قانون ان اي مبني لايزيد ارتفاعه عن مرة ونصف عرض الشارع ان لم يكن هناك اشتراط خلاف ذلك كما في المدن الجديدة

المدن الجديدة ملتزم بالحي اللي حضرتك فيه والارتفاع بيكون 4 ادوار ودور بدروم او جراج حتى لو الشارع اللي قدامك 50 متر برضة هما 4 ادوار
اما عن الارتفاع مرة ونص عرض الشارع فده الحد الادني ان لم يكن هناك جديد في المخطط الاستراتيجي للمدينة او القرية

في المرفقات قانون رقم 119 للبناء الموحد 2008 واللائحة التنفيذية للقانون في ابريل 2009 اما عن المخطط الاستراتيجي فده تعرفه من الوحدة المحلية او المجلش التابع له الارض او من مديرية الاسكان الخاصة بالمحافظة التابع ليها بس ابقى قابلني لو حد ادالك عقاد نافع احنا بقالنا اسبوعين ده بيحدفنا لده وده بيحدقنا لده رغم اننا معانا نص القانون وبنطالب بيه بس كلهم متفهمش بقى بيستغبوا والا عاوزين يقبضوا والا ايه