انا عارف ان فى الحدود دى فيه عربيات كتير جدا جدا بس اللى نسيت اوضحه وبعتذر عن ده انى محتاج عربيه يكون شكلها شبابى وواسعه عشان لو حد كتير ركب معايا.توكيلها كويس وقطع غيارها معقوله استهلاك البنزين فيها معقول برضه
دلوقتى انا محتار بي الرينو سانديرو لان فيها معظم الحاجات دى ومعاها اير باج كعامل امان.وبين الاكسنت الجديده لان شكلها الجديد تحفه وبين الصنى
عارف ان كلامى يحير لان صعب الاقى سوبر كار فيها كل اللى محتاجه بس بحاول اوصل للافضل فى الاختيارات الموجوده
|
كدا حضرتك سهلت علينا كتير ،،،،،،،،،،
شكلها شبابى و واسعة و توكيلها كويس و إستهلاك بنزين جميل يبقى السانديرو بس لسة قطع الغيار فى علم الغيب بس هترخص مع الإنتشار زى اللوجان السيدان
لو حضرتك قصدك على الأكسنت Rb الجديدة متهيألى هتبقى أغلى من 90 لو عايزها فول أوبشن ( أنا مش متأكد )
و الصنى عربية ممتازة برضو ،،،،،،،
و ممكن برضو تزود حتى و تجيب ألنترا عربية ممتازة برضو ،،،،،
العربية اللى حضرتك تستريحلها أتوكل ع الله و أشتريها .........
بس لو حضرتك لسة متعلم جديد و خايف لتشوه العربية بسرعة أفضل أنك تشترى مستعمل لحد ما تحترف و بعدين تجيب زيرو ،،،،،
رأيى الشخصى : اللوجان هاتشباك أو سانديرو ..... شكلها تحفة و واسعة جدا غير أى هاتشباك فى مصر و توكيل كويس و ثمن معقول غير مبالغ فيه ،،،،،،،،،،
بالتوفيق إن شاء الله ،،،،،،،،،،،،