|
رد: حكايه صديقى والسياره الملعونه-2 روايه رعب واثاره وتشويق
-13-جلسنا فى المقهى انا وهشام ورشدى نسترجع ما حدث ونحاول ان نحلل الموقف كله خاصه بعد المعلومات التى جمعها هشام ووصوله لصورة السيده زوجه عادل عن طريق صديق له 00 وما ان وضع الصوره امامى حتى كانت المفاجاه 00انها ليست سيدة السياره الملعونه 00وهو التصور الذى بنيت عليه كل ما فكرت فيه 00ومن ان عادل قد قتل زوجته بالسياره وتخلص منها ولذلك اصبحت لعنه ملتصقه بالسياره تطارد كل من يقترب منها 00
وكان هشام قد ايدنى فى هذا ومع نفيه انها السيده التى رأها فى حلمه خاب ما ظنناه00
ولكن كان لرشدى رأى اخر
عندما صاح
-انا اعرف هذه السيده التى بالصوره
نظرنا اليه بدهشه وهو يقول :
انها هى 00بالتأكيد هى
قلت:
-ماذا تقصد؟
قال:
-انها السيده الشبح التى انقذتنى فى الحلم
-أمتأكد؟!
-انت قلت انها كانت كالطيف
-نعم00نعم00لكن هذه الملامح هى نفس ملامحها
الوجه المشرق ده لا يمكن ان ينساه من يراه
قال هشام:
-الموضوع كده كبر00
سيده سافرت خارج مصر لا احد يعرف عنها حاجه 00بعدين تظهر فى حلم كشبح
يبقى اكيد مش موجوده مع الاحياء !
وكأنى التقت انفاسى بعبارته الاخيره 00
فقلت:
-هو ده الكلام
- الست دى ماتت وعادل اللى قتلها00
احساسى بيقول كده
قال هشام:
-اكيد عادل عمل كده00 بس مين الست الشبح الملعونه التانيه؟
قلت:
-هوه ده السؤال00
شبحين ظهروا00شبح عرفناه زوجه عادل اللى انقذت رشدى
والشبح التانى للسيده الملعونه اللى لسه معرفنهاش!!
قال رشدى:
-انا اعرفها
قلت مصعوقا:
-يا راجل
صمت حتى قتلنا الفضول
ثم قال:
-اكيد دى واحده تانيه قتلها عادل
قلت :تصدق ممكن يكون كلامك صحيح
هشام:
-انتوا طلعتوا الراجل كده سفاح وكل دى احتمالات مرسله بدون دليل
قلت:
-احنا لازم نفكر فى كل اتجاه00
احنا لازم نفتش العربيه يمكن يكون فيها حاجه تدلنا او توصلنا لخيط
قال رشدى:
-فكره00
ازاى مدورناش فيها قبل كده
اكيد فيها حاجه وده اللى عادل بيدور عليه00او عايز يخفيه بعد موضوع الحريقه وكسر الزجاج
قلت:
-اكيد فيه حاجه مستخبيه
قال رشدى:
-بكره نروح المعرض التى حطيت العربيه فيه وندور
قال هشام :
- اخبار اخوك ايه يا رشدى؟
-الولد حالته متدهوره ربنا ينتقم من الشبح الملعون00الدكتور قال لازم يبقى فى المستشفى اسبوعين كمان تحت الملاحظه
قلت:
-ربنا ح يشفيه ان شاء الله00طالما ربنا هداك وخلصت من المصيبه اللى بليتنا بيها!
وبعد ظهر اليوم التالى اجتمعنا عن المعرض00المعروض به سياره رشدى00انطلقنا بها لمسافه قصيره ثم اخذنا نفتش بدقه00وبعد البحث الدقيق لم نجد شىء له قيمه00 مجرد بقعه باهته بالسقف تم تنظيفهالاتعنى ابدا انها بقعه دم00
والسياره مستورده على الرغم من ان الموديل يصنع محليا!
وجد هشامكارت تحت المقعد الامامى 00تفحصنا الكارت المدون به اسم سيده اجنبيه
فعدنا للمعرض ثم افترقنا حتى موعد المساء
تتبع باذن الله
__________________
|