دي اقل كلمه اقدر اقولها علي مقابله طنطا ..مقابله الاحلام ..و اللي عاوز يسميها اي اسم تاني مافيش مشكله

حبتدي طبعا بالشكر لجميع الحاضرين و المنظمين و بالاخص ابو الاسعاد و كومي


بصراحه الناس دي عملت مجهود فوق الوصف و تنظيم ولا اروع من كده


سواء من تحديد الموعد مرورا باختيار المكان و توضيحه بالصور و التفصيل الممل للقادمين من جميع الاتجاها و التواصل مع الاعضاء القادمه و المفاجآت المتعدده بالمقابله نهايه بالاطمئنان علي الاعضاء حتي وصولهم الي بلادهم و منهم انا الذي ابعد عن طنطا 22 كيلو فقط!!!!

بدأت يومي بالاستيقاظ في تمام الساعه الحاديه عشر و النصف(ماهو طنطا جنبي بقي)


و يدوب نزلت من البيت علي الثانيه عشر و الربع و اتصلت باحمد بدر قالي انه وصل طنطا قولتله و انا في الطريق و حصلي و تلاقوني قدامكم


طبعا هو فهم اني لسه في المحله ما اتحركتش و اخدت الطريق جري و بسرعه يمكن ماشي 150 و 160 لحد ما وصلت طنطا و صليت في اخر جامع علي الطريق و توجهت الي الكافيه في تمام الساعه الواحده


ركنت العربيه و نزلت لقيت الكومي واقف سلمت عليه و شويه و لقيت ابو الاسعاد و عمرو بيتمشوا علي الكوبري مش عارف كانوا فين الصراحه!!!!