مكتوب عليا اكون جندى مجند فى الجيش
واصرف فى اليوم وجبتى كام رغيف عيش
وفى خدمتى مأسمعش غير تهزئ ومشوفش غير تلطيش
وقعدتى مع عساكر وحدتى كانت كلها تحشيش
الكل عايز ينسى كرامتة اللى خلاص مفيش
الكرامة انداست من كل رتب الجيش
كل الشتايم سمعتها وكتيرها سب الدين
ومعاملة مفيش زيها وكأننا مساجين
وحقوقنا رايحة كلها وفى الاخر ناخد ثمانين
80 جنية مرتب تصرفها فى الكنتين
يعنى مرتب شهر بينصرف فى يومين
نعرف بقة اية بنعملو عشان تاخد 80
فى الصحراء امسك خدمتى
والبرد ياكل فى جتتى
ومفيش يانس وحدتى غير دمعتى
اللى كنت دايما امسحها ببدلتى
ونصحى الصبح بدرى
نعمل طابورنا وبعدها نجرى
وبعدها ناخد اكل اليوم
اصدى بعدها ناخد اكل يخلينا نصوم
عن اكلهم ونشترى من الكنتين
المفروض يعرفوا ان كتير 80
امتى بقة فى الجيش تخلص مدتى
واسلم كل اللى استلمتو ومخلتى
واعيش بقة تانى وسط اسرتى
تأليف : محمد الخولى