07-04-2009, 02:03 PM
|
 |
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
|
|
تاريخ التسجيل: May 2008
الموقع: ام الدنيا مصر
المشاركات: 17,066
|
|
رد: مساعده بخصوص الشكمان (هام)
مبدئياً يا نور بدام الموتور هو هو فالفرق مش هيبقى كبير لان الشكمان الاصلى متصمم بشكل يناسب متوسط الخرج بتاع الموتور بقوتة ديه
لكن لو الموتور اكبر او هتركب تربو يبقى لازم تغير كله من اول الهيدر للشكمان كلة
ديه بعض النصائح لتعديلات نظام العادم عامة
- بالنسبة للهيدرز يفضل انها تكون مصممة بشكل 4-2-1 يعنى اربع مواسير خارجة من الموتور تدى ماسورتين ثم ماسورة واحدة (اللى هى الرئيسية لعلبة الشكمان) فى العربيات العادية بتبقى 4-1 فى العربيات السبور اكتر بتبقى 4-2-2 والخرج بيبقى على ماسورتين وديلين شكمان (ده للمواتير الاكبر من 3 لتر )
- احيانا تستخدم مواسير وهيدرز مطلية بالسيراميك او مغلفة بمواد توصيلها الحرارى قليل لان كل ما كانت المواسير والهيدرز اقل حرارة كل ماكان افضل للمحرك ولخرج العادم
- عامة للمحركات الاقل من 2 لتر ينصح ان مواسير الشكمان تكون بقطر 1.5 - 2 بوصة
- يفضل ان المواسير تكون من الاستانلس ستيل لانها اكثر نعومة وبالتالى اقل مقاومة للهواء وبتبرد اسرع واقل عرضة للصداء
- اذا كان تصميم مواسير الشكمان فيه تعرجات كتير فتغيرها بمواسير مستقيمة اكتر هيأثر ايجابياً فى الاداء لان كل ما المواسير طولها قل كل ما كانت افضل (لاحظ فى العربيات السبور والعربيات الخاصة بالدراج مواسير الشكمان بتبقى قصيرة جداً)
علبة الشكمان
- علبة الشكمان وظيفتها الاساسية تقليل الانبعاثات حفاظاً على البيئة وتقليل الضوضاء واحيانا بيكون فيها سنسور (فى المحركات المدارة الكترونيا)
- تغيير علبة الشكمان بانواع رديئة ممكن يخلى العربية بتطلع انبعاثات اكبر وبالتالى هتعمل مشاكل فى الفحص البيئى
ديل الشكمان
- نهاية الشكمان (ديل الشكمان) مش مؤثر فى الاداء لكن مؤثر اكتر فى الصوت كل ما كان الديل اوسع كل ما كان الصوت اكثر ضخامة (نفس نظرية الصب ووفر لاخراج صوت البيز)
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
التعديل الأخير تم بواسطة AbOnOrA ; 07-04-2009 الساعة 02:16 PM
|