[حسام البورسعيدى]

طيب ربنا يجازى حضرتك خير يا فندم على مساعداتك ..

وبعد اذن حضرتك عندى استفسار صغير ..

ليا صديق عزيز عليا اوى ساكن فى منطقة تشتهر بتجارة المخدرات ...

ودايما زى ما حضرتك عارف بتلاقى شوية مخبرين فى عربية اجرة طالعين يلفوا فى المنطقة ..

وفى يوم صاحبى ده تعرض للاعتداء والسب والتفتيش (بطريقة غير ادميه) على يد مجموعة من المخبرين وكان معاهم ظابط فى الميكروباص ...

و يومها كانت حالته النفسية سيئة جدا واتصل بيا وقالى انه عاوز ياخد حقه وانا عجزت فعلا عن مساعدته او نصحه للاسف ...

ايه هو التصرف القانونى السليم اللازم عليه اتخاذة فى حالة اعتداء مماثل من قبل افراد شرطة بدون وجه حق ... علما بان مثل هذه المواقف تتكرر كثيرا له (نظرا لكثرة تجار المخدرات بهذا الحى )


واستفسار صغير تانى بعد اذن حضرتك ..

ايه المفروض يكون رد فعل الواحد اذا تعرض طريقة مخبر او اكثر وطلب منه البطاقة الشخصية بطريقة غير مهذبة ؟؟ وهل من حق المخبر ذلك ؟؟


واسف جدا على الاطالة يا فندم وجزاك الله عنا كل خير ...