رد: حكايتي مع المرور
السلام عليكم ورحمة الله وبركاته
من يوم السبت لحد يوم الخميس
وانا باحاول اثبت ان الشخص دا مش انا
اول حاجه وكلت محامي غير ممارس للمهنه ( صاحبي يعني ماخدش مني فلوس )
قولت نروح نشوف المحضر اللي في النيابه
باذن الله انا هارفعلكوا صورة م المحضر
اولا : القضيه مطلعتش نصب زي ما متسجل علي حاسب وزارة الداخليه
دي طلعت قضيه ضرب
واحد اسمة احمد صلاح طالب بالمدرسه الفندقيه اتخانق مع واحد اسمة مصطفي عشان بنات قدام المدرسه ، قام احمد بيه جاب اتنين وضربوا مصطفي دا
مصطفي في التحقيقات ماكنش يعرف غير ان الشخص دا اسمه احمد صلاح بس
طلبوا منه يجيب الاسم الكامل
رجع بعد يومين وقالهم ع الاسم
اتحددت جلسه وصدر حكم غيابي
انا بقي عايز اعرف
ازاي يصدر حكم بالاسم بدون اي بيانات
وليه المباحث مثلا ماراحتش المدرسه وطلبت بيانات عن الطالب اللي في الصف الرابع دا
وبناء علي البيانات دي يصدر الحكم حتي لو غيابي
انتوا عارفين
انا وقفت مش عارف اعمل ايه؟
__________________
|