![عزيزى](images/smilies/005.gif)
... مبدئياً الساجا فيها دعامات صلب بالشنطة و الأبواب و التابلوه و بها إيمبولايزر فى نظام الإنذار مما لا يجعلها فريسة لكل من هب و دب و كان صبى كهربائى ثم إنحرف
![06A7D5~132](images/smilies/06A7D5~132.GIF)
ثم مين قال إن الرينو لوجان قيمتها مش عالية؟!...العربية ممتازة وقيمتها عالية و لكن يعيبها عدم وجود النموذج الأوتوماتيك منها و حضرتك تعرف شوارعنا دلوقتى عاملة إزاى
العيب الحقيقى فى السوق هو سعر الفيرنا و اللانوس اللى ينرفز و شادد معاه السوق كله (بلغة رجال التسويق)
يعنى إيه عربيات بقالها أكتر من سبع سنوات مازادش فيها مسمار و سعرها بيزيد كأنها يتم تطويرها؟!...
يعنى إيه الفيرنا تتجمع فى مصر و تتباع بالسعر ده؟!...
![Hech](images/smilies/hech.gif)
سيدى الفاضل الفيرنا عيبها مش عدم وجود وسائد هوائية فقط و لكن يعيبها إن موتورها قوى جداً و لا يتناسب مع هيكلها (بتبقى كفتة فى معظم الحوادث لا قدر الله) و طبعاً العفشة مش مصممة للسرعات دى و بالتالى ثباتها (مراجيح) و أخيراً فراملها بسكليتة (واحد صاحبى كان فاضل يطلع رجلة يفرمل بيها فى الأرض علشان يوقفها)
يعنى أدى حضرتك صباع ديناميت و أقولك ده أحسن من صواريخ رمضان
بالله عليك مش حاجه تغيظ
![Fun 36 1 28[1]](images/smilies/fun_36_1_28[1].gif)
و اللانوس موتور 8 صباب و أصلا متاخد من أوبل (مش فاكر أى موديل) أواخر التسعينيات
ما بتحسش إنك بتستغل لما تدفع فى عربية موتورها مصنع بتكنولوجيا أواخر التسعينيات 70 ألف جنيه؟
المشكلة إننا بنقلد بعض و ده اللى عمل سعر للعربيات دى و طبعاً رخص قطع غيارها و سهل صيانتها
و أخيراً الصينى زى الفل إلى أن يثبت العكس ... بس بصراحة لما شفت الكراش تست بتاع كام عربية صينى و إتمنعت من دخول الإتحاد حسيت إن المخاطرة غير محسوبة
يعنى الأيه بى إس وإيه بى دى و الإيرباج و حتى لو حطلك صعايدة فى العربية يحضنوا عليك ... ممكن كل الهيلمان ده يجيى وقت الجد و يطلع فشنك
يعنى الموبايلات الصينى اللى بيقولوا إنها حتى بتعمل نسكافيه ... ما تسمعش منها كلمتين
![Cry2W9](images/smilies/cry2W9.gif)
سيدى الفاضل إرتفاع القيمة ليس قاصر على بروتون وحدها ... و لكن لازم أكتب بروتون لإن حضرتك فى منتدى بروتون
و أنا بروتوناوى أصيل
![THUMB ~112](images/smilies/THUMB_~112.GIF)
شكراً