رد: عندى فكرة حلوة اوى يا رب تعجبكم الاول وتنجح
فكرة ممتازة
وانا هبدأ معاك اول واحد بالناس اللي اعرفهم لكن موضوع الاسعار مقدرش افيدك فيه قوي
الزقازيق
أحمد الابيض - ميكانيكي - شارع وادي النيل جنب الشيخ عبد العزيز حجازي - صنايعي كويس وبيشتغل في اغلب العربيات وعنده طقم صنايعية كويسين لكنه مغلواني شوية لكن شغله نضيف
ياسر الحمار ( بتشديد الميم علشان محدش يغلط ) - كهربائي - جنب احمد الالبض على طول صنايعي كويس وغلبان واجرته قليله وشغله نضيف لكن معتقدش بيشتغل في العربيات الحديثة قوي
الاسطي محمد - كهربائي وعنده واحد تكييف - جنب ياسر واحم الابضي على ناصية الشارع قدام الجامع شغله نضيف وبيشتغل في الحديث وعنده واحد للتكييف لكنه مغلواني شوية
صلاح رادياتير في اول شارع وادي النيل من ناحية مفارق طريقة هرية
امتداد شارع وادي النيل بعد ما تعدي المفارق كله صنايعيه سمركة وفرن ودهان عادي وقطع مستعمل وجديد واكسسوارات وفيه تجار مستعمل واستيراد كبار في المنطقة دي ان شاء الله اللي محتاج حاجة ينزل بس المنطقة ويسأل وان شاء الله يلاقي مبتغاه
للأسف مش عندي ارقام حد لاني مش بتعامل مع حد دلوقتي لو عرفت رقم حد اكيد هبلغكم
لكن على وجه العموم المنطقة هنا مليانه صنايعية وخراطين
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|