رد: العربية البرسونا محدش يشترى العربية دى
الحمد لله ان الناس ليها عقل وبتحكم على اللي بتقراه...
في حاجة في الدنيا اسمها عربية متخزنة من 2009 وتتباع على انها 2011؟؟
لو فرضنا ان العربية بايرة للدرجة دي...
الجين2 والبرسونا اللي بتنزل مصر هي هي اللي بتنزل الخليج و القانون في الخليج بيلزم بوضع بطاقة حديد متبرشمة في جسم السيارة مكتوب عليها كل المواصفات ومن ضمنها طبعاً سنة الصنع "وباللغة العربية" ... يعني مينفعش ينضحك على حد في الموضوع ده..
وبعدين ازاي حد يشتري سيارة وميفتحش الكبوت غير بعد ما يروح؟؟؟
وبعدين الطنابير باظت من إيه؟؟؟
لو فرض ان كلام حضرتك سليم (........)!!! فده معناه ان التوكيل نصاب مش ان السيارة سيئة!!!
يبقى عنوان التوبيك المفروض يكون: (محدش يشتري جين2 أو برسونا أو واجا أوساجا أو سيتروين بأنواعها أو جيب أو كرايسلر أو أي سيارة من عز العرب لانه نصاب؟؟!!!!)
أضم صوتي للأخ صاحب اقتراح ذكر رقم الشاسيه... وعلى فكرة م/آمر الكوافي "خدمة ما بعد البيع" راجل محترم وجد له مواقف جدعة جداً...
عموماً أنا لا أتوقع من v.r.6 أو v.r.5 أو حتى v.r.7 الرد لأنه غالباً داخل يفقع زمبة وماشي على طول...
بس دي شهادة لله لكي لا ينخدع بهذه الشوشرة من يريد المشورة و الرأي من موقع محترم فيصادف مثل هذه الدعاية المضادة...
البرسونا والجين2 و البروتون عموماً سيارات جيدة وواعدة.. وهي تعطيك أفضل مقابل لفلوسك في فئتها...
لها عيوب بسيطة أغلبها في التقفيل أو نوعية الخامات وهي إجمالاً عيوب بسيطة ويتم التغاضي عنها مقابل الأداء و الموتور و العفشة و عوامل الأمان... وأي مشاكل تصنيع يتم تغييرها مجاناً في الضمان (ثلاث سنوات على الهيكل والأجزاء الخارجية وأظن خمسة على الموتور والفتيس)
__________________
مهندس معماري
محمــد مختــار
التعديل الأخير تم بواسطة master.formats ; 21-01-2011 الساعة 01:41 AM
|