المشاركة الأصلية كتبت بواسطة aboelesaad
الله عليك يا سيف باشا بس انت نسيت اهم حاجه " ان انت معرفتناش بنفسك "
اما انا بقي
احم احم
" هو لازم يعني " هههههههههههههههههههه
طب يلا بينا
الاسم : احمد محمد عبد المجيد ابوالاسعاد "وفي بين عبد المجيد و ابوالاسعاد 7 محمدات الله يرحمهم بقي و مش متقيدين في بطاقتي "
السن : عايش بقالي كتير في الدنيا ............" خليها مخفيه وعايز كل عضو يقول رأيه فيا يديني كام سنه وهبقي اقول في الاخر "
الوظيفه : بشتغل حاااااااااااااااجات كتير .... من مهندس مدني تخصص دراستي بشتغل في شركات مختلفه مش متثبت يعني واخر شركه باذن الله هنضم ليها بترول طنطا وفلاح اصلي براعي حته الارض وبشتغل بحوار الاجهزة الالكترونيه من اصلاحات و خلافه واحيانا بحول القط عربيه و ابيعها يعني عمل خفيف خفيف
السكن : طنطا وهي مسقط راسي و المنصوره "بلد كليتي"و محله روح "بلدي الاصلي" و منشأ عيله ابوالاسعاد و بنط لاسكندريه و للقاهره بس مش كل اسبوع يعني كل شهر كده يوم و الا اتنين ومقيم حاليا في مدينه مصر موتورز
السياره : m11 وبلا منازع و اكتر عربيه استقريت عليها ولو هجيب غيرها مش هفرط فيها و هتكون اسبرانزا برضو بس m14 الي هي كوبيه ومكشوفه ولسه مانتجش منها الا واحده بس كاختبار
الهوايات : الهندسه بكل انواعها يعني بحب احشر نفسي في كل حاجه في الهندسه و اتعلم و اجرب و اطبق يعني درست حبه في هندسه ميكانيكا و فكيت العربيه وصلحتها وعلي طول علي قناه ناشونال جيوجرافي اما في البيت اتهبلو مني وخصوصا الوالده لانها عاشقت مسلسلات لدرجه جبت جبت تلفزيون خاص بيا و بوصله دش متخصصه ليا ..... عاشق للرسم جدا ولله الحمد واخد فيه شهادات علي مستوي الغربيه ايام اعدادي ... ومره رسمت بورتريه في الكليه لدكتور الاستركشر اثناء المحاضره الدفعه اتحاكت بيه .... عاشق لاله الكمان وبحب اعزف عليها اووووي وواخد فيها مركز خامس علي مستوي الجمهوريه ايام اعدادي برضو " كانت فتره تألقي " ..... من هوات لعب في الصور بالفوتوشوب ومره عملت ديزين لمنتدي اتصنف مركز اول علي مستوي منتديات شركه اهلا منتدي
الحاله الاجتماعيه : في موضوع كده بس لسه بدور علي شقه تكون كويسه والحوار يبقي خلص ادعولي بقي
وبس كده
 تقبلو خالص تحياتي |
أحمد باشا يا كبييييييييييييييييييييير أوىىىىىىىىىىىىىىىىىىى.
نورت الموضوع كله بوجودك . وطبعا كالمعتاد . واكل الجو .
انما ايه ياعم التألق دا كله . دانت حكايه والواحد مايعرفش . كل دى مواهب ؟؟؟؟؟؟؟
ربنا يسعد ايامك ويباركلك فى الـ M11 . ويكفيكوا شر طريقها . بس قوللى هى مش كانت A113 . عملتها ازاى كده ؟ أكيد حطيتها فى رده .
ربنا يسعد أيامك . ويوفقك فى مشرع جوازك ان شاء الله . وأشوفك بكره على خير .