[سيف الدين سعيد]

المشاركة الأصلية كتبت بواسطة Limoway طبعا فكرة ممتازة (ستراوش الجنزبيل) محمد أحمد علام ذكر أبيض بقالي في الدنيا 27 سنه مهندس كهرباء قوي من سنة 2005 (جامعة عين شمس وأفتخر) شغال في السعودية (بنكهربها) من سنة 2006 وزهقت وعايز أرجع المحروسة بس متردد لحسن أتخنق أكتر من الحرس بتوع المحروسة. هواياتي السيارات والكمبيوتر والألعاب الكمبيوترية بجميع أنواعها (كمبيوتر - بلاي ستيشن - ننتيندو - أتاري) سنة 2006 كان عندي حتة بي إم 523 موديل 1998 وزحلقتها علشان محدش بيفهم فيها في السعودية ومبعرفش أعمل فيها أي حاجه معايا من سنة 2007 شيفرولة لومينا 2007 ماشية بتاع 63 الف دلوقت ومازال العد مستمر عربية ممتازة بالنسبة لسعرها (للأسف مش موجودة في مصر علشان موتورها 3600 سي سي) والجمارك لها بالمرصاد مميزتها: دفع خلفي - موتور جبار - فاملي سايز - شكل رياضي - ثبات كويس لحد 160 كم / ساعة - عزل صوتي للمقصورة فوق الممتاز - حبة أوبشنز فكة عالماشي (مثبت سرعة - كراسي كهرباء - أنوار أوتوماتيك) عيوبها: - كل حاجه فيها بالكمبيوتر وبالتالي الكثير من الإنذارات (لو البنزين مش نضيف بتدي check engine) وأطلع أجري عالتوكيل عالفاضي - الموتور القوي بيسبب عدم ثبات في الملفات إذا كنت كابس بنزين (بس الحمد لله فيها stability control بيفصل البنزين لو العربية إبتدت تتزحلق) - واطية ومصنفرة نصف مطبات السعودية - عفشتها ناشفة - موتورها أخشن من الياباني بكتير شعاري في الحياة: إجري يابن ادم جري الوحوش ----- الأوتوبيس متلحقوش ويجعله عامر

عامر دايما بوجودك معانا يا محمد باشا وانا سعيد جدا بالتعرف اليك وربنا يردك لحبايبك سالم غانم ان شاء الله . ويكفيك شر اللومينا وطريقها ان شاء الله .
أما عن الأوتوبيس فما تقلقش ...................... حايقف المحطه الجايه وان شاء الله تلحقه .
وشكرا جزيلا على مشاركة حضرتك معانا وان شاء الله نلتقى لما تنور المحروسه .