ارجو المساعدة من الخبراء
السلام عليكم
انا عايز اشتري عربية اتوماتيك مستعملة في حدود 20 او 25 الف
و لقيت العربية التالية علي كونتكت كار و محتاج مشورتكم
اول عربية هوندا اكورد موديل 1983 كاملة تكيف باور سنتر اتوماتيك 1600 سي سي و مطلوب فيها 23 الف
العربية التانية ديهاتسو شاريد موديل 1990 هاتش باك جنوط اسبور هاف باور تكييف مطلوب فيها 22 الف
العربية التالتة مازدا 323 موديل 1984 مواصفات خليجى كاملة اتوماتيك سنتر بالريموت زجاج كهرباء تكييف جنوط سبور هاف باور و مطلوب فيها 25 الف
طبعا في كذا عربية هوند سيفك موديل 1982 و83 بس شكلها مش حلو
فانا محتار خصوصا ان الهوندا قطع غيارها غالية و مش منتشرة بس عربية شكلها محترم
و الشاريد زى الهوندا من ناحية قطع الغيار بس بشكل اقل شوية
اما المازدا فانا عارف ان قطع غيارها منتشرة شوية
بس برضه من اللي قريته هنا في المنتدى ان العربيات الاوتوماتيك القديمة كلها مشاكل
بس انا محتاج العربية تكون اوتوماتيك علشان انا جديد في السواقة و كمان علشان مراتي برضه هتستعملها و شوارع القاهرة اليومين دول محتاجة عربية اتوماتيك بشدة
فياريت تساعدوني و تدلوني علي الصح خصوصا ان انا تعبت في كل قرش من الفلوس ده و مش حمل اني اجيب حاجة اصرف عليها كتير
و لكم جزيل الشكر
|