انا بصراحه عمرى ما ركنت قدام محل أكتر من ساعه و لما بأجى أركن بأعمله اشاره بايدى معناها انى مش هاطول فى الركن هاخلص مصلحه و هامشى علطول فى دقايق معدوده
و رد فعله بعدها انه بيرحب بيا و تحت أمرك يا باشا و اتفضل يا باشا ولا يهمك يا باشا داحنا نشيلهالك على دماغنا باستغل الموقف بقه و لما اخلص مصلحتى وقت ما اخلص انشالله اكون ركنت ساعه ولا أكتر بارجع عند العربيه و أعمل انى مكسوف و خجلان منه و أقوله معلش اتأخرت فى الركنه حصل ظروف أعذرنى و ماكانشى قصدى
و شوية أفلام هندى و أفتكاسات كده ساعتها الراجل ما بيلاقيش حاجه يقولها غير ولا يهمك يا باشا و ألف سلامه و أى خدمه يا باشا .
هو الشعب المصرى كده بيحب اللى يضحك عليه و يتحنجل عليه . و فى نفس الوقت بيحب اللى يضحك فى وشه و يكون ذوق معاه عشان ما يديلوش الفرصه انه يقوله لاء و مايصحش .
