[lonedoctor]

اخى الكريم حياك الله
ارجو ان لاتزعل من كلامى ودائما يوجد الراى والراى الاخر وليس مع وضد
لما الانسان يعيش تجربة شراء سيارة زيرو ويجرب ويسال ثم يصل الى نتيجة بعد تعب وجهد ثم جاء احد الناس ليساله النصيحة فى نفس الموضوع اليس من الواجب عليه(واجب دينى واخلاقى) ان ينقل له خلاصة ما وصل اليه علشان مايتعبش زى ما هو تعب ويحط فلوسه فى المكان الصحيح؟
ان كان عندك خبرة شخصية ياريت تنقلها لينا نستفيد منها ويستفيد الاخ الكريم صاحب المشاركة الى هيدفع فلوسه وشقى عمره منها وياريت تكون تجربة شخصية واقعية او خلاصة قراءاتك وتتبعك فى المنتديات بعد فحص وتمحيص
العبد لله اللى بيكلمك عاش تجربة شراء الزيرو مرتين فى خلال سنة وونصف وفى دولتين مختلفتين ليهم مقومات منفصلة فى سوق السيارات جرب وسال وركب سيارات من ماركات مختلفة وتوصل الى حقائق معينة بيحاول يفيد بيها الاخرين وليس تشويه لسيارات الاخرين
بالاضافة الى تجربتى الشخصية فى قيادة النيسان الصنى انقل اليك تجربة احد مالكيها وللاسف الرابط لن استطيع وضعه فى مشاركتى لانه لمنتدى منافس ولكن ارسله لك على الخاص لو تحب
(السلام عليكم
حبايبي في الله ..... انا حبيت اكون اول واحد ان شاء الله اعمل التقرير ده للصني 2011 وخاصة انها مزوده بحساس الاوكسجين المطور من قبل نيسان ..........!!!!
حبيت اعمله دلوقتي وانا في رحلة التليين (1000 كيلو) علشان يبقي تجربة عملية ان شاء الله بعد كده ... ان الاستهلاك بيتحسن بعد 5000 كيلو وفقا لما قاله الاعضاء ذوي الخبرة في المنتدي العزيز ده
العربية : نيسان صني
نوع الغيار: مانيـــــوال
الموديل : 2011
كيلومترات: 850
اولا طريقة الحساب:
انا فولت العربية يوم الخميس اللي فات من بنزينة شل اللي في شارع الطيران وخليت العامل يفول لغاية الزور.
مشيت بيها الاسبوع ده وروحت فولت النهارده كنات عاملة 238 كم ...لما فولت اخدت 27 لتر والحمد لله حاولت اخليها نفس البنزينة ونفس المسدس.

الحسابات:
العربية عملت 238 كم ........ واستهلكت خلالهم 27 لتر
اذا لتر بنزين واحد يعمل = 238/27 = 8.814 كم
20لتر(صفيحة) =8.814*20= 176.30 كم /صفيحة)
هذا نموذج وانا لن استطيع ان انقل لك مشاركات كثيرة كلها زى كدة وانا يكفينى تجربتى الشخصية فى قيادتها هنا فى السعودية ومعاناتى من سحبها السئ وصعودها الطرق المرتفعة بصعوبة شديدة تجعلك اضحوكة لمن حولك من قائدى السيارات الاخرى وعدم ثبات السيارة بعد سرعة 130
ارجو ان تتقبل تحياتى وتذكر لنا خبرتك الشخصية نستفيد منها مع العلم انك فى مشاركة اخرى ذكرت بانك لم تقد اى من السيارات الكورولا او الصنى او byd
تقبل تحياتى