[hazem_khidr]

1- مصرى ام كورى

الكوري منها لحد 94 او 95 و بعد كده كله مصري
الكوري كان فول اوبشن و الاكصدامات بلون العربيه سواء 1300 او 1500
و الاريال علي الرفرف اليمين.
المصري لما نزلت كانت او فئه 1500 فول اوبشن و الاكصدامات لونها اسود و الشبكه بلون العربيه و الاريال بقي في الرفرف الامامي شمال
ما عدا موديل 98 كانت اكصدامات ال1500 بلون السياره و دا اخر موديل من الاكسيل

2- هل نزلت بأكثر من فئة ؟ لل 1300 وال 1500 ؟ وهل فيها اوتوماتيك ؟

نزلت 1300 و 1500 بس و نزل منها اتوماتيك لكن قليل مش كتير

3- عدد الأحصنة

مش عارف لكن مش حتتراوح بين 65 و 80 حصان للموتورين علي التوالي

4- هل انجكشن ؟

فيه منها انجكشن بس ما نزلش مصرنهائي

5-وزن السيارة

مش عارف

6- هل بتسخن مع تشغيل المكيف

نهائي العربيه دي مالهاش علاقه بالسخونيه من قريب او بعيد بس و انت بتشتري اتاكد من
ان التكييف شغال لان لو تكييفها بايظ دا موال تاني و حيتكلف و ما تسمعش كلام اللي يقولك دا عاوز يتشحن
قوله طب اشنحه و نشوف
ال1500 كلها مكيفه
ال1300 الكوري كله مكيف
ال1300 المصري مكيف و بدون تكييف

7- هل بتوطى مع تحميل الركاب وتحك

اي عربيه بتوطي مع التحميل دا مش عيب

8- قطع الغيار هل هى معقولة ؟

جدااااااااااااااااا
وفيها ميزه حلوه كمان ان معظم قطع غيارها اوريجينال و اسعارها معقوله جدا
سير كاتينه و سير باور و دينامو حتي الفلاتر في منها اوريجنال

9- العيوب الظاهرة فيها ؟

صاجها خفيف و البارومه بتسرح فيها(زيها زي السويفت)
و خامتها الداخليه ضعيفه شويه

نصائحي لو بتشتري اكسيل

ولو بتشتري اتاكد ان دواخلها سليمه
ولما تفتح الشنطه حتلاقي بوزين جنب الفانوس الخلفي
لو لقيتهم سلام نعرف ان العربيه دي سليمه.
و للعلم الاكسيل بالذات لو نضيفه بتتعرف من اجنابها
لو لقيت اجنابها حلوه مش مموجه تبقي في الغالب عربيه سليمه.
التابلوه بتاعها دايما تلاقيه مشقق و هو مش غالي ممكن تجيبه استعمال كامل ب600 جنيه.
اخر نقطه
الاكسيل مبنيه علي قاعده اللانسر عيون صفيه و بتشترك معاها في حاجات كتير
(قواعد موتور و بلي العجل ,,,,,الخ الخ)
و تعتبر اخر عربيه بالتعاون مع ميتسوبيشي
من التجربه بصراحه
انا بعتبرها افضل من الاكسنت و الفيرنا و النيو اكسنت كمان!!!!!!!!!
واي سؤال انا تحت امرك يا دكتور