المشاركة الأصلية كتبت بواسطة samirayad
موضوع فيشة الأوكتان مش غلط نهائيا
ببساطه شديده
فيشة الأوكتان عباره عن مفتاح أختيار لصاحب السياره
بحيث من خلال طرق توصيل معينه بيتم تحديد نوعية البنزين
التى يمكن لقائد السياره من أستعمالها
خيارات قدامك يعنى
ممكن تشغل على بنزين 80 أو 90 أو 92
من خلال جامبر معين يتم تحديد كيفية توصيله بوحدة التحكم من عدم توصيله
علشان تعرف وحدة التحكم
هى حتعمل أيه
فى تحديد الوقت الأمثل لزمن أرسال الشراره من البوبينا للبوجيهات
_________________________ ______
فمثلا
عندنا فى المحركات المزوده بنظام أشعال من النوع التوزيعى بيكون هناك موزع شرر ( أسبراتير )
من خلال ضبط زاوية تركيبه على نهاية عمود الكامات
بيتم تقديم أو تأخير زمن أرسال الشراره للبوجيهات
لكى يتناسب زمن الأرسال مع اللحظه الصحيحه لأنفجار مخلوط الهواء والبنزين الداخل لغرف
الحريق من خلال منظومة السحب
يعنى بطريقه أسهل
الهدف
أننا عاوزين موعد شرارة البوجيه يتقابل فى نفس اللحظه التى يصل فيها ضغط الشحنه إلى أقصاه
فى نهاية شوط الأنضغاط من أشواط الحريق الأربعه المقرره للمحركات رباعية الأشواط
________________________
فلو تقابل الحبيبان فى نفس التوقيت ...............لحدث الأنسجام الكامل واللقاء الحار
الحبيبان ............هما شرارة البوجيه وضغط مخلوط الهواء والبنزين
_________________________ _______
هو ده إللى بيتم بالضبط فى الحقن الألكترونى
بدل ماتعلى الكهربه أو توطيها بطريقه يدوى بواسطة أسبراتير
أنت أما بتعرف وحدة التحكم .........البنزين نوعه أيها
من خلال التوصيلات المعينه لفيشة الأوكتان
هى بأه
بتظبط توزيعها ووقته الصح ( أسبراتيرها يعنى إللى مش موجود فعليا ولكنه موجود
ضمنيا )
ومن هنا بيحدث الأنسجام بين الحبيبين
زمن الشراره الصح وأقصى ضغط لمخلوط الهواء والبنزين
_______________________
طبعا
الغالبيه العظمى مننا
إن لم يكن الكل
بيبص لموضوع فيشة الأوكتان من جهة التوفير مع أستخدام بنزين 80
وأنا من هؤلاء
__________________
يبقى أيه الصح مع بنزين 80
ركب الجامبر الثلاثى عادى جدا على مكانه بفيشة الأوكتان
بس راعى دائما
1- التموين من مكان نظيف وسمعته طيبه
2- الأعتياد على جعل تنك البنزين كاملا بصفه دوريه
3- التغيير المستمر لفلتر البنزين للحفاظ على الرشاشات وطلمبة البنزين
4- التعامل برفق مع دواسة البنزين
5- يفضل بين كل حين والآخر أضافه عبوة منظف رشاشات
على تفويلة بنزين كامله لعمل اجلاء ونظافه لخطوط البنزين والرشاشات
من أى ملوثات وارد وجودها مع بنزين 80
|
معلومه جامده بس يا ريت تعمل موضوع كامل عن الكلام دا
طيب عربية اخويا نوبيرا 1 ممكن شكل الفيشه والجامبر بالظبط علشان هوا بيخاف اوى من اللعب فيها .دى حاجه وزياده فى الطمع اعرف ازاى ان عربيتى الفا 146 فيها فيشة اوكتان على فكره انا معملتش اسكان ليها ولا مره منذ شرائها حتى الان هووحدة التحكم بتاعتها مكتوب عليها GM ومكانها تحت رجل اللى بيقعد جنب السائق بيتشال فرش الارضيه بيكون تحته وفيه فيشه طالعه منه وسايبه كدا لوحدها مش عارف بتاعة ايه بس دى فيها كذا سلك اكتر من 6 جايه من وحدة الكنترول وكمان فيه فيشه تانيه فى حوض الماتور دى مكانها شويه جنب ماتور المساحات ومتثبته فى مكان بعيد ومقفوله بغطاء بلاستيك لما شيلته شكل الفيشه النتايه اللى فى مشترك الكهرباء العادى اللى فى البيوت بس مش طرفين تلاته
وشكرا على متبعتك ومواضيعك الجامده