[بدر بسيونى]

المشاركة الأصلية كتبت بواسطة jonior 607 بعد اذتك ليا استفسار انا لما اشتريت العربيه نصحونى بانى ما افتحش الاربه بتاعت الميه ابدا لانها لو فتحتها و زودت ميه يبقى كده حبوظ الدايرة بتاعتها وانها مصممه انها تبقى دايرة تبريد مغلقه زى BMW الا كل فين و فين انا من ساعه ما اشتريتها من 23 أبريل 2010 ما زودتهاش ميه وما حسيتش ابدا انها سخنت او مؤشر الحرارة بتاعها على مرة تفتكر كده صح ولا غلط يا باشا أرجو أرسال الرد و شكرا

فحص مستوى المياه للعربية لازم تعمله كل فترة بصورة دورية لعدة اسباب اهمها انك تطمن ان المياه منسوبها طبيعى فالعربية ماتتعرض للسخونة نتيجة نقص المياه وثانيا تغير الجو يعنى فى الصيف طبيعى جدا ان المياه تنقص ومحتاج تفحصها كل فترة للتاكد من مستواها وخصوصا ان درجة الحرارة فى الصيف على الطريق بتبقى عاليه اوى فمعدل تبخر المياه بيبقى عالى بالمقارنة بالشتاء ويفضل انك تسيب زجاجة مياه من نفس نوع العربية حمراء او خضراء على حسب العربية كاحتياطى وانت لما تيجى تفحص العربية الزيت او المياه افحصها قبل ماتدور الصبح وبتبص على مستوى المياه من القربة بتاعة المياه وماتفتح الرداياتير ابدا ابدا تزويد المياه من القربة فقط وطالما مستواها بين العلامتان يبقى كله تمام ان شاء الله