رد: اية اطرف موقف حصلك مع بداياتك فى السواقة ؟؟؟؟
والله انا هموت من الضحك على مواقف الاعضاء اللى زى العسل
اسمع يا سيدى انا والدى لسة مشترى 128 وهى اول عربية نشتريها فى حياتنا المهم كنت لسه بتعلم السواقه فى يوم كنت رايح اوصلة الشغل فى عبد المنعم رياض وكنت المفروض ادخل يمين لكن لقيت نفسى قرب مطلع الكوبرى اللى فى الشمال بقيت مش عارف اعمل اية والناس مبترحمش بقى كلة شغال كلاكسات المهم انا ارتبكت رحت دخلت يمين لقيت نفسى لابس فى عربية نصف نقل انا حسيت وقتها انى قد اصابنى الذهول المهم اعتذرت للراجل اللى انا خبطة وطلع هو الكوبرى ومشيت المهم لما نزلت انا ووالدى نشوف الجبطة طبعا كان منظرها فظيع والبويا طلعت طبعا والدى يومها عرف اللى فى الشغل كلهم انى خبطت العربية وفضيحتى بقت على كل لسان (مع العلم والدى مبيعرفش يسوق)
واسف على الاطالة
|