[waelsalah]

المشاركة الأصلية كتبت بواسطة miam0502788391 السلام عليكم يا استاذ وائل يارب يريح قلبك وتتحل مشكلتك على خير ان شاء الله اللهم امين يارب العالمين والمسلمين اجمعين الموتور استاندرد ولا لأ دى مش هتتعرف الا من حاجتين: - الحاجة الأولى : انك تسأل صاحب العربية هو عمل عمرة كاملة قبل كده ولا لأ على انه يكون الماك الأول لها وطبعا يكون امين معاك فى الإجابة وده مستبعد مش هو المالك االاول الحاجة التانية : لما الموتور يتفك وتشيل وش السلندر والميكانيكى يبص جوه الاسطوانات ( الشمايز) هيعرف اذا كانت خرطت قبل كده ولا لأ باذن الله سعر الموتور بالفتيس تقريبا فى حدود 2000 ممكن اعلى ممكن اقل وحسب المكان اللى بشترى منه وحسب حالة الموتور العمرة الكاملة فى حدود 2000جنيه ده غيرمصنعية الميكانيكى هو الميكانيكي بيعرف قبل ما يشتغل انها كامله ولا نص ولا هتبقي تدبيسه رسمي طيب فى حاله العمره الكامله افضل ولا ماتور جديد بالفتيس حيث انى اعانى من خشونه فى الفتيس النص عمرة هتتكلف اقل من كده وحسب اللى هيتغير فيها ( يارب تكون نص وهو المطلوب )

اولا بشكرك على اهتمامك وافادتك الغاليين ربنا يباركلك
ثانيا انا غسلت العربيه فى المشحمه النهارده
لحد دلوقت ملقتش تسريب زيت
وفيه دخان فى الشكمان ازرق فاتح جدا
وبخره طالعه من الخرطوم اللى رايح للعمه
وروحت للعفشجي عشان يبص ع الفتيس وزيته لقاه مليان وسالته على لزوجته قالى خفيف بس ده الطبيعي قولته طيب ما ننزله ونحط زيت تقيل قالى ممكن بس ده مجرد مسكن واول ما الزيت يخف هيرجع تانى الفتيس يخشن وكان مصمم انه يتغير ومتوجعش دماغك وبعدين قالى هظبطلك نقلاته هخفهالك شوية ورايح حط زيت ع الفتيس من فوق وربط المسامير بتاع الفتيس فاق نوعا ما
وقالى لما الميكانيكي يحل المكنه خليه يغيرلك البلي اللى جوه الفتيس بالمره عشان الصوت يروح اللى بيروح مع دوس الدبرياج لكن بيقولى خشونة النقلات برده مش هتتحل ؟؟؟؟
سؤال شخصي (( هو الفتيس عادى وانت بتنقل تحس بصوت الحارات بتاعة النقلات ولا المفروض متحسش بيها لا بصوتها ولا العصايه تعلق بين الحارات دى ( زى صوت التروس كده ) اصل انا شوفت عربيات ماشاء الله فتيس زي ما بيقوله مايه
مستني ردودكم القيمه ولكم جزيل الشكر والامتنان