[miam0502788391]

المشاركة الأصلية كتبت بواسطة خالدخليفة بحـبـك ياستامونى

حبيبى يا استاذ خالد شرفت بلقاس وأهل بلقاس الزيارة دى كانت امتى وسنة كام؟؟ اعتقد طبعا بعد 2008
أصل انا اصلا من بلقاس
بص يا سيدى البلد دى اسمها الستامونى مش ستامون ذى ما ذكرت وهى تبعد عن بلقاس حوالى 17 كيلو شمال بلقاس ورغم انى من بلقاس الا انى لم اذهب اليها الا مرة واحدة وكانت زيارة قصيرة لم تتجاوز 1/2 ساعة
الطريق اللى حضرتك مشيت عليه اسمه طرق الستامونى وبيمرعلى عدة قرى وهم بالترتيب : السماحية الكبيرة - السماحية الصغيرة - الكردود - الشوامى - ابو دشيشة - وبعدين فى الآخر الستامونى
هذا الطريق ممكن تعتبره اسوأ طريق فى الجمهورية ملفاته كتيرة , مطباته اكثروعليه سواقين اعوذ بالله وياسلام عليه بالليل ظلمه كحل

علشان توصل بلقاس من المنصورة او جاى من المحلة دلوقتى فيه طريقين :
الطريق القديم ( ولا انصحك بيه) : وده اقصر فى المسافة لكنه اطول فى الوقت لأن عليه بلاد كثيرة ومطبات عند كل بلد والبلاد الى بيمر عليها وانت جاى من المنصورة هى : الارومان - المنيل - دميرة - الفولة - ابو عرصة - ثم بلقاس
الطريق الجديد : وده اطول فى السافة لكنه اقصر كتيير فى الوقت خصوصا للى زى حضرتك بيحب السرعه , الطريق ده جزء من طريق المنصورة جمصة الجديد ( اللى ذكرته انا فى موضوع موسوعة الطرق المصرية ) يعنى بعد ما تطلع من المنصور وتاخد اتجاه جمصة هتسيب اول كوبرى علوى وتانى كوبرى وتالت كوبرى مباشرة بعديه تلف يو ترن وبعدين تاخد يمين تلاقى نفسك فى بلقاس والطريق ده تقريبا ليس عليه بلاد لأن طريق حديث تم شقه فى السنوات الأخيرة وسط الأراضى الزراعية

وأهلا بيك فى بلقاس