رد: ودي كانت اخر مرة عملت فيهاحادث بسبب سيجاره
شكراً على التنبية المهم ده وهى الفكرة مش بس سيجارة ممكن يروح تركيزك من على الطريق فى اى حاجة حد جنبك - حد فى الشارع - حتى لو سرحت بخيالك للحظات ممكن تفقد فيها السيطرة على العربية او على الطريق
انا من اسابيع كنت ماشى على الاتوستراد جاى من الشيراتون كده فى طريقى لمدينة نصر وقبل النادى الاهلي بالظبط كانت عينى على الطريق وايدى الاتنين على الدريكسيون لان طريق الاتوستراد كلة ملفات ولازم ببقى مركز فيه بس للحظة مجرد لحظة سرحت فى اللحظة ديه كانت اوكتافيا سودا قدامى هدت فجئة وراحت واخدة شمال مرة واحدة ولقيت نفسى بسرعتى هدخل فى العربية اللى وراه اللى كانت تقريباَ واقفة وفى لحظة لقيت نفسى باخد اقصى اليمين واول ما اخد اليمين لقيت واحد بيعدى وربنا ستر وتفاديتة ورجعت امشى فى الطريق عادى
فشوف انا ايدى الاتنين على الدريكسيون وسرعة اقل من 100 بس لحظة سرحان كانت ممكن تتسبب فى كارثة فمابالك باللى الناس بتعملة
بصراحة الدرس الاهم من المواقف ديه انك طول ما العربية بتتحرك عينك وتركيزك على الطريق لان اللحظة ممكن تفرق
وربنا يسترها معاكوا ومعانا جميعا ً
اقعدوا بالعافية ptmnlo123per122
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|