[sad-bird]

المشاركة الأصلية كتبت بواسطة Injection أنا موجود يادوك ربنا يسلمك, كنت بريح شوية بس, والأمتحانات فعلا على الأبواب, ده حتى أنا عليا أمتحان رياضة مالية بكره. وياريت نهاجر يادوك, بس يصعب عليا أسيبهالهم برضه, دكاترة الجامعة طبعا. أنا لما دورت لقيت أننا عندنا بالجامعات الخاصة اللى متعتبرش جامعة أصلا فى ظل الظروف الحالية حوالى 30 جامعة, أنما حضرتك ماشاء الله جبتهم كلهم. وحضرتك برضه معتبر المعاهد ضمن الجامعات, ده المعهد قرب يقترب من مستوى صنايع دلوقتى فى فكر الناس, وعلى فكرة أنا بحب صنايع جدا. وأنا معاك يادوك, حضرتك تروح تحضر الدكتوراة فى كامبريدج, وأنا أطلع على Mit ولما حضرتك تخلص الدكتوراه تبقى تيجى تدرس معايا يارب الأحتلال يخرج منها بقى, فلسطين طبعا

بيعجبني فيك التلميحات اللي من تحت لتحت دي يا عموره
والحدق يفهم ومين خاف سلم

المعاهد التكنولوجيه والمعاهد الفنية الخاصة المفروض يكون ليها دور ودور كبير قوي كمان ويكفي اني اقولك ان معهد التكنولوجيا في العاشر ( جامعة العاشر حاليا ) كان مثال رائع للمنظومة التعليمية اللي حاليا بيحاولوا يعملوه في مشروع مبارك ككول علشان تخريج كوادر فنيه وفي نفس الوقت هيا العمالة اليل محتاجينها
علشان كده انا ذكرتها اما بقى كون ان المعاهد لا تؤدي دورها الحقيق والموضوع على الورق وتحصيل حاصل فدي بقى مش مشكلتي انا دي مشكلة الوزراة اللي بتشرف على الموضوع ده وساكته واللي يهمها الرسميات = الورق = الروتين = فوت علينا بكرة يا سيد = حاجات كتير مش عاوزين ندخل فيها

اما من اكثر الجامعات الخاصة اللي اعرف عنها سمعه كويسة وممكن انها تحقق المعادلة الصعبة
الامريكية طبعا
6 اكتوبر
مصر للعلوم والتكنولوجيا
مصر الدولية
لكن طبعا مش هيحصل لان ده مشروع استثماري مش مشروع تنموي ولو الدولة عاوزة جامعة من دول تحقق مركز تشخش جيبها بقى وتفك الكيس ونشوف الشغل اللي على اصوله
وعلى فكرة كمان الجامعات الحكومية اغلبها مؤهل انه يدخل المنافسة
لكن فيه قاعدة كبيرة قوي من العاملين فيها بتقول
اشتغل ليه طالما هاخد اللي عاوزة اللي عاوز يشتغل يشتغل
وللأسف دي بقى قاعدة عند اغلب الشعب المصري

اما انا بقى فكان معروض عليا اروح احضر الدكتوراه في جامعة من ضمن ال 500 جامعة لكن الموضوع مكنش ينفع بكل المقاييس