[miam0502788391]

اهلا استاذ وائل مبارك عليك العربية ربنا يديلك خيرها ويكفيك شرها
الزيت اللى من عند سير الكاتينه هذا فى الغالب من تسريب من الاولسيهات او الجوانات وكما قال الاستاذ طارق سخونية المكنة بتخليه يطلع دخان
السؤال دلوقتى الدخان اللى طالع من الشكمان لونه ايه ؟؟ ولما العربية بتسخن وتزود بنزين اللون بتغير الى الازرق الداكن ؟؟ يعنى قبل ما تخش فى دوامة عمرة او نص عمرة لازم تتأكد ان المكنة فعلا فوتت
فيه حاجة كمان بعد ما تعرف مكان تسريب الزيت وتصلحه ارفع العربية فى مشحمة واغسل حوض المكنة بجاز ( زى ما الاستاذ طارق قال) وبعدين بمياه وقبل كا تتحرك من المشحمة اتأكد ان كل اثار الزيت اللى على الموتور وحوض المكنة زالت تماما ولو لسه فيه اثار خلى الولد اللى بيغسل يعيد على الغسيل تانى وبعدين لما العربية تجف تماما وانت بتركن بالليل حاول تركن على ارض مستوية ولو تجيب كرتونة كبيرة تحطها تحت الومتور يكون افضل ثم فى الصباح قبل ما تدور بص على الكرتونة وشوف اى اثار لزيت وبعدين دور الموتور شويه وقبل ما تتحرك ارجع بص على الكرتونة تانى وشوف فيه اثار لزيت جديد ولا لأ , لو ملقيتش زيت يبقى كله تمام ومفيش تسريب ولو فيه اثار زيت يبقى لسه فيه تسريب من المكنة
بالنسبة للفتيس صوت البلية بالظبط زى ما استاذ طارق ذكر والصوت بيختفى لما بتدوس دبرياج وبيرجع لما تسيب ودى حلها انا الفتيس يتفك كله وينزل على الأرض والبلية تتغير أو أى حاجة تانية جوه الفتيس تانية