أسف للجميع عن التأخير ، و كما وعدتكم عن إعطاء تقرير تفصيلى عن السيارة شيفروليه أفيو بالبيانات التالية:
موديل السيارة: 2008 رقم اللوحة: 504267
VIN: KL1TJ51Y98E004042
و دلوقتى هنتكلم عن كل حاجة عملتها السيارة داخل الشركة بالتفصيل:
1. تاريخ الدخول: 07/07/2008
رقم أمر الشغل: 100044428
كيلومتر: 4800
العمليات التى تمت على أمر الشغل:
صيانة كل 5000 كم
2. تاريخ الدخول: 20/11/2008
رقم أمر الشغل: 100069184
كيلومتر: 11634
شكوى العميل:
الكشف على إرتفاع RPM
الكشف على تعليق فى لمبة البنزين
الكشف على تزييق و صوت بالعفشة الأمامية والخلفية
الكشف على الزوايا حدفة يمين
ضبط وضع طارة الدركسيون
العمليات التى تمت على أمر الشغل:
تم تربيط و تشحيم العفشة و ضبط زوايا العجل
تم تنظيف TPS
3. تاريخ الدخول: 27/12/2008
رقم أمر الشغل: 100075445
كيلومتر: 14019
شكوى العميل:
الكشف على عوامة البنزين
الكشف على إرتفاع عدد لفات المحرك
الكشف على تزييق بالعفشة
العمليات التى تمت على أمر الشغل:
تغيير 2 مساعد امامى
تغيير حساس TPS
4. تاريخ الدخول: 31/12/2008
رقم أمر الشغل: 100076359
كيلومتر: 14027
شكوى العميل:
ضبط زوايا العجل حدفة يمين
العمليات التى تمت على أمر الشغل:
ضبط زوايا العجل و ضبط الإرتفاع
5. تاريخ الدخول: 21/01/2009
رقم أمر الشغل: 100081408
كيلومتر: 14562
شكوى العميل:
الكشف على زوايا العجل حدفة شمال
تأخير فى العجلة الأمامية يمين
العمليات التى تمت على أمر الشغل:
تم تغيير مقص يمين (على حساب العميل) أثر خبطة أدت الى ثنى المقص
تم ضبط الزوايا
6. تاريخ الدخول: 21/03/2009
رقم أمر الشغل: 100093487
كيلومتر: 17891
شكوى العميل
ضبط الزوايا
العمليات التى تمت على أمر الشغل:
تم ضبط الزوايا
ده كل History السيارة داخل الشركة
بالنسبة لأعطال السيارة المتكررة:
لو لخصنا أعطال هذه السيارة (مش كل الأفيو) هتبقى كالأتى:
1. عدم إنتظام RPM
>>>> تم تغيير حساس TPS و حل المشكلة<<<<
2. تزييق فى العفشة
>>>> تم تغيير 2 مساعد أمامى و حل المشكلة<<<<
3. مشكلة الزوايا
>>>> دى مش عيب فى السيارة و لكن نتيجة خبطة كما تبين من تأخير العجلة اليمين ومن ثنى المقص يمكن تكون المشكلة طولت شوية بس دة مش عيب تصنيع و تم حل المشكلة تماما
هى دى كل عيوب السيارة اللى كله شايف انها مليانة عيوب
شئ طبيعى لما اخبط فى رصيف زوايا اى عربية لازم تتلخبط نتيجة تأثير الخبطة على المقصات.
بالنسبة للTPS أى عربية وارد يكون فيها عيوب تصنيع و هو ده فايدة الضمان أهم حاجة إن العميل يكون بيعمل صيانات بإنتظام عشان هو ده اللى بيحافظ على إستمرار الضمان.
المشاركة الأصلية كتبت بواسطة yoko
الحمد لله العربيه إتظبطت كل حاجه فيها طبعا هما معملوش حاجه غير حجات بسيطه بس لما خالي دخل للمدير الإقليمي شد المهندسين وغيرولي كل الحجات الي كانت بايظه وهي مساعد يمين - سنسور tps - عوامة البنزين
وتم ضبط الفتيس والزوايا وتربيط العافشة وكام حاجه كمان والمدير الإقليمي قال لو فيه أي شكوى تانيه تعلولي مباشرة
وبصراحه هو راجل قمه في الإحترام ودي أقل حاجه تتقال عنه مش عشان عمل العربيه بس عشان هو شخصيه محترمه جدا
ونصيحه للبيروح توكيل المنصور الي في طريق مصر إسكندريه ميتكلمش مع رئيس خدمه العمله عشان يهيضرب الراجل يا هيقتلوا بسبب طريقه المعاملة الزباله الي بيعامل العميل بيها
|
طبعا الكلام ده محصلش خالص مفيش مدير خدمة عملاء فى الدنيا بيعامل العميل وحش ، مدير خدمة العملاء ممكن يجى على الشركة بتاعتو جامد عشان خاطر العميل. و للعلم مدير خدمة العملاء بمنصور شيفروليه (الفرع الرئيسى - الهرم - مصر -- اسكندرية) أ. محمد الفرماوى راجل فى قمة الإحترام و ده مش بكلامى كزميل له و لكن بشهادة العملاء.
المشاركة الأصلية كتبت بواسطة yoko
فيه فرق بين غلس وقليل الأدب لما تقولوا العربيه فيها ١ ٢ ٣ ... يقولك هبعت معاك المهندس يجربها ويشوف إيه الي موجود بجد وأيه الي غلط عشان يتشطب من الأول
سؤالي هنا هو أنا فاضي عشان أقول على حاجه بيظه وهي مش بيظه ويفتحوا ويعكو في العربيه
وفي الأخر لقوا عيوب في كل نقطه كانت مكتوبه إن فيها مشكله
|
احنا ممكن نعبر عن رأينا و مشكلتنا و لكن بهدوء و بدون غلط فى الناس عشان ده مش صح و عمره ما هيحل مشكلة.
ملاحظة: تم حل مشكلة هذا العميل بمعرفة
أ. محمد الفرماوى - مدير خدمة العملاء.
أتمنى أكون قدرت أفيد كل الناس اللى كانت عايزة تعرف المشكلة و هل هى عيوب تصنيع أم عيب إستخدام
......................... ..شكرا لكم جميعا.................... ............