المشاركة الأصلية كتبت بواسطة hatem_eg
تامر باشا شكرا لمجهوداتك الاكثر من رائعة ومعلوماتك القيمة وربنا يباركلك.
كنت عاوز اسألك لاني احترت من كتر الاراء بصراحه عن عربيتين كرولا
موديل 2006 والتانية 2008 كامله اتوماتيك 1600 الاتنين ، والاتنين ماشيين في حدود 40 الى 50 الف كيلو وعند نفس الشخص استعمال نضيف مواصفات خليجي وسعرهم متقارب لحد كبير يمكن الفرق 5 الاف جنية بس والا حاجه حسب ما اتقالي.
اسمع ان الياباني اخره 2006 وبعد كده في جنوب افريقيا والا ماليزيا باقي الموديلات ، وناس تانيه تقول 2008 متصنعه في اليابان بالكامل ، وفي فرق في ركوبة العربية المتصنعة في اليابان عن غيرها من ناحية عزل الصوت والضوضاء على الطريق والكلام ده.
بشكل عام تنصحني باي واحدة من الاتنين دول ؟ ارجو الافادة عشان احترت بصراحه وانا مش من النوع اللي بجيب عربية واقلبها اجيب غيرها عاوز عربية ارتاح معاها كذا سنه على اما افكر اجيب غيرها ، وصحيح سعرهم في المعقول يبقا كام تقريبا ؟ وشكراً
|
دكتور تامر اسف على الازعاج مرة تانية ، بس ارجو الرد للأهمية
معلش حتقل عليك طلب تاني ، عربيتي الحالية كيا سفيا مو 99 اوتوماتيك كاملة ورخصه لحد 2012 ،،حالتها كويسة ولسه مغير عافشة كاملة وكاوتش مش رشه دواخل ولكن بره بس تعملها كام ؟ وشكرا مرة تانية