[sad-bird]

احيك يا nktis على طرح الموضوع واحي اكثر اخينا جاك بوكس على جرأته في عرض مشكلته التي عافاه المولى عزوجل منها وربنا ان شاء الله يعافيه من السجائر كمان ، وكمان حبيبي عمرو انجكشن ربنا يحفظه ويحفظ شباب مصر كلها من كل سوء
ندخل بقى في الكلام المفيد
كل ادوية الجدول سلاح ذو حدين بلا استثناء لأن مما لا شك فيه ان فيه مريض بيكون محتاج الدواء ده وبشدة وميقدرش يستغني عنه ومع ذلك مش موجود ليه اولا لازم يكون بروشته حديثة ومش كل الناس تقدر تروح كل يوم لدكتور علشان يعملها روشته وثانيا لان تجار الصنفة والصيادلة منعدمي الضمير بيبيعوه للمدمنيين احسنلهم علشان ده مكسبه افضل واسرع واضمن
واقسم بالله انا كان قدامي واحده ومعاها بنتها على كتفها 3 سنين ومش قادرة تبطل عياط ومش عارفه تنام والدواء خلص من عند امها ومن عند الصيدلي وهويقولها طيب اعمل ايه والله ما لاقي وفضل يتصل على صيدليات كتيييييييييير جدا علشان يتصرف لها في علبه مفيش قالها في الاخر روحي على المستشفي العام يمكن يكون عندهم حاجة تنفع وانا هعمل اللي ربنا يقدرني عليه يمكن اعرف اجيبلك علبه والا اثنين قربي

موقف ثاني
واحد صاحبي بيعمل ماجستير صيدلة والتجارب بتاعته على الارانب ولان التجربة مدتها طويلة محتاج مورفين ، او حاجة تانية مش فاكر اسمها علشان يخلي الارانب حيه اطول فترة لزوم التجربة بدل ما كل يوم يروح يشتري أرانب لما بيته اتخرب وطبعا الجامعة مفيهاش ميزانية علشان تصرف على البحوث دي او بعمنى ادق بتتصرف في مواضع تانيه ..... المهم ملقاش حل ولا لقى حد يجيبله مورفين رغم انه صيدلي لكنه اتعبن جامعة وخبرته قليله في التعامل والتصرف برة

موقف ثالث
واحد قريبي بيحتاج مسكنات قوية علشان عنده انزلاق غضروفي وكام حاجة تانيين ( ربنا يشفينا جميعا ) ومبقاش فيه حاجة بتحوق معاه بيجيب امبولين كتافلام يعملهم في حقنه واحده علشان ياخدها ويدوب تجيب تأثير معاه والحل دكتور قاله مفيش غير ترامال او ترامدول ان عرفت تجيبهم وفعلا فضل يلف ملقاش عند حد وفي الاخر واحد بقى يجيبهمله من على قهوة لغايه لما راح زيارة فرنسا وهناك لقة الترامادول عبارة عن اقراص فوارة والتركيز بتاعها اقل من التركيز اللي هنا ومع ذلك تأثيرها كان اقوي وده ان دل على شيء فيدل ان جودة المنج هنا اقل من بره يا اما بقى الارقام اللي بتتكتب في التركيزات هنا دي كلام على ورق

قولي في مواقف زي اللي قلتها دي الحل يكون فين