انهاردة كان ورايا واجب عزاء فى مرسى مطروح
توكلت على الله الساعة 9 صباحا
الحمد لله الطريق فى اولة كان الجو صحو وبتشتى سيول
المهم شوية والجو اتعدل وزودت السرعة شويتين لانى كان لازم الحق صلاة الجمعة فى مطروح
شوية ولقيت لجنة الحمام بيخدونى فى حضنهم وبيدونى اول وصل ب150جنية
قلت خلاص وزدت السرعة واكيد مافيش ردار تانى وشوية ولقيت كمين بيدينى شهادة التميز فى
المخالفات 150 جنية
كدة الحمد لله 300 جنية زى الفل ولا كانى بطبع الفلوس
المهم دخلت مطروح وحضرت الصلاة وقمت بواجب العزاء واعتذرت انى مش حكمل اليوم مع اهل المتوفى وتوكلت على الله فى سكة الرجوع
اوم اية لاقيت لجنة قبل ما امسك الطريق خير قالى 150 ردار لية انا ما زودتش عن 100 اتارى ان السرعة 60 واخدت ثالث شهادة تقدير
دخلت بنزينة افول ولسة طالع والاقى لجنة زى الفل طالعالى من تحت الارض واخدونى مخالفة حزام اللى كنت لسة ما لحقتش اربطة عشان كنت بطلع فلوس البنزينة طبعا دفعت زى الباشا
وقولت كدة كفاية
المهم قبل ما اوصل البيت اتاخدت مخالفة ردار المرة دى كنت خلاص شطبت وسلمت الرخص بسلام
اية رايكم ابطل اعزى ولا اعمل اية
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,,
إننا لله وإنا إليه راجعون...
إن القلب ليحزن والعين لتدمع,,,وإنا لفراق أمثاله لمحزونون....
ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي