المشاركة الأصلية كتبت بواسطة KARIMO
اولا احب اشكر اعضاء المنتدى الجامدين جداااا
ثانيا تعظيم سلام للاسكندرانيه ولاد بلدى والقاهرويه عشان محدش يزعل مننا
انا من اسكندريه بدور على عربيه كويسه زيرو بقالى شهر وطبعا حوسه بالنسبالى لانى اول مره هشترى زيرو واخوكم محتاااس انا قولت اقولكم على اللى فيها واى حد يقدر يفيدنى اكون شاكر له جداااااااااا
انا زى ما قولت هشترى زيرو تقسيط
معايا مقدم 20 الف جنيه
وفئه العربيات اللى انا واقع فيها ما بين ال 60 - 70 الف جنيه . دى اكتر فئه تحير فى الشراء
قدامى اختيارات
1- رينو لوجان هاتش باك ( سانديرو )
2- رينو لوجان سيدان
3- هيونداى فيرنا
4- بروتون ساجا
الترتيب ده حسب اولويتى من الاحسن للأسوأ بالنسبالى انا وده رأى شخصى
انا سمعت الف سعر ف كل عربيه ومش عارف ايه الاسعار الحقيقيه
انا بقى عايز ادفع ف اى واحده من دول مقدم 20 الف جنيه واقسط على 60 شهر بشرط قسط العربيه ميزيدش عن 1000 جنيه...... معلش انا طماع اوى
هل ده ممكن ولا لا . ولو ممكن الحسبه هتكون ازاى
واى معرض ف اسكندريه يقدر يعملى المعادله الصعبه دى
معلش عارف ان انا رخم وكلامى كتير بس اعذرونى انا واقع ومزنوووووووق وعايز اخلص خلال الشهر ده
ومشكورين جميعاااااااااااا
|
بص يا باشا
الرينو طبعاً عربيه لا يعلى عليها لكن السيدان أحلى من الهاتشباك ده طبعاً تبع احتياجات سيادتك
عربيه عائلية "سيدان"
ولا عربيه شبابية "هاتشباك"
والبروتون ساجا بصراحه عربيه لا يعلى عليها
الفيرنا راحت عليها من زمان ومانصحش أي واحد بشرائها بصراحه
سيبك من إن قطع الغيار رخيصه إنتى عاوز عربيه محترمه تمشي بيها مش حاتشتري موتسيكل أو أي حاجه والسلام
أنا أرشح إما الساجا ودي رقم 1 بالنسبالي
أو الرينو لوجان سيدان ودي رقم 2
وذلك طبعاً تبعاً لخدمات ما بعد البيع وتوافر قطع الغيار من عدمه وأسعارها