المشاركة الأصلية كتبت بواسطة واحد شاى
السلام عليكم يا جماعه النهارده الجمعه الصبح نزلت قبل الصلاه احط بنزين و اغسل العربيه وبجد ايه الجمال و الروقان ده الدنيا فاضيه و الحياه جميله والناس وشها منور و مبسوطه وفايقه و الشوارع رايقه و نضيفه و هاديه الواحد مكنش عايز يوقف العربيه بجد ياسلااااام لو كانت مصر رايقه كده على طول ياااااااااااااااااااااااا اااااااااااااااااااااااه
عمرى ما كنت هندم انى عندى عربيه و كنت هاخد العربيه فى كل مشاويرى حتى لو رايح لاخر الشارع |
هههههههههههههههه
عندك حق والله
بس برده القاهره هى القاهره
انا مره عملت زيك كده
نزلت الشارع على الساعه 4 الفجر كده
الجو كان تحفه قولت بقا امشى براحتى وادوس بنزين
لقيت الشوارع فيها كميه نقر وحفر ومطابات
العربيه بقت عمله اكنها مركب ماشيه في بحر تطلع وتنزل
الزحمه مابتخلكش تحس بلحاجات ده اوى