المشاركة الأصلية كتبت بواسطة alaa1968
ايه يا جماعة انا سامع الأرياف الأرياف
بصو انا من الأرياف - المنوفية - اشمون وعملى بالقاهرة انتقل يوميا رايح جاى اول سيارة كانت هيونداى اكسنت 99 1300 cc والسيارة جبتها زيرو والمطبات كانت صعبة لكن لما تخدها بالراحة هتقلل مشاكلها - تانى سيارة هيونداى 2004 فيرنا كانت برضو زيرو لكنى كنت اعانى من الحكة فى المطبات احيانا حتى لما باكون لوحدى بالسيارة - اكتشفت ان تظبيط الكاوتش مهم جدا كمان لازم تاخد المطبات بهداوه - وايضا ان الحكة تاثيرها على الشكمان فقط بل طرف علبة الشكمان لان العلبة كانت ضخمة حبتين - المهم احب اقولكم انى ما غيرتش الشكمان لحد ما بعت السيارة وكانت زى الفل الخلاصة ما تخليش الحكة تضايقك حاول تقللها بقدر الأمكان وخذ المطب بهدوء
اما دلوقتى معايا النترا 2010 والله ما بحس بالمطبات الا لو كان الكاتوش مش مظبط او معايا حموله جامدة ورا - وربنا يسترها ولذلك انصح الأخ صاحب الموضوع بالتوكيل وعرض شكواة وهما هايعملوا الممكن لتلافى المشكلة واصلاح العيب لو فيه - وهوا لازم يكون مظبط الهوا دايما فى الكاتوش ولازم ياخد مطباته بشويش وربنا يباركلوا فيها
|
بصراحة ده اكتر رد محترم شفته لحد دلوقتى ..لأنه بيرد بشكل عملى و عن تجربة و مش بيهزر و خلاص و أنا فعلا بحترم صاحب هذا الرد جدا و أشكره
