رد: هل فيه طريقة للكشف على كهرباء العربية ؟
العربية كنت اول ما ادورها الاقى الكاسيت قاطع ومش واخد كهربا واقعد على الحال ده من خمس دقائق إلى نص ساعة وأنا فى نص مشوارى الاقيه مرة واحدة اشتغل فطنشت على المشكلة دى لانى مابستخدمش الكاسيت كتير ، بس بعدين اكتشفت لما باقيت بامشى بالليل ان نفس القصة بتحصل فى العربية كلها لما اشغل نور العدادات ألاقيه قاطع فى الأول ويشتغل بعدها بشوية والفوانيس تبتدى ضعيفة جدا ومع الحركة يشد نورها ، وعندى الكلاكس بيعلق لما اضغط عليه يا اما يطلع صوت أو لا ودى كانت مشكلة قديمة سببها برضو كهربة العربية والكهربائى القديم ظبطهالى .
ده غير مشكلة تنتيش فى العربية واحد صاحبى قالى انها ممكن تكون مشكلة فى الكهربا برضو .
والشى بالشىء يذكر ان القصص دى كلها حصلتلى من بعد ما ظبطت وغسلت الكربراتير وغيرت بوجيهات العربية بنوع تشيكى كده مالوش أى لازمة ولما قلت للكهربائى قالى مافيش علاقة بس دى اخر حاجة عملتها قبل ما تحصل المشاكل دى كلها .
اما بالنسبة للبطارية فهى جديدة ومابقلهاش 4 شهور
التعديل الأخير تم بواسطة المناور ; 31-12-2010 الساعة 02:14 PM
|