وهذا يثبت وجهة نظرى بانه امر عام خاص بالسيارة وليس عيب بالتاكيهات
|
على فكره يادكتور
أنا ماقولتش ده عيب بالتاكيهات ( ولكن وارد تكون التاكيهات فتحت شويه بعد تحميل
المكنه....
ومطلوب المراجعه على التاكيهات )
ولكن معروف هندسيا من الزاويه الميكانيكيه لعمرة المحركات أو المحركات الجديده
لازم التاكيهات يتعاد على خلوصها مره تانيه بعد دخول المحرك فى الخدمه وتعرضه
لأحمال ميكانيكيه
لو تلاحظ أنا علقت قبل كده على تلك النقطه الفنيه
بأنها
ألف باء ميكانيكا فى المحركات التى تشتمل على منظومة تاكيهات قابله للضبط
ميكانيكيا
زى طراز سياراتكم البى واى دى
____________________
أنا بأحاول أشوفلك تشبيه مقنع حاليا ( من الزاويه الطبيه )
وفعلا فيه تشبيه مش بطال
نفترض فيه مريض جالك وعنده كوليسترول
وأنت ظبطه خلاص بعد ما خليته حلل ومشى على علاج شويه وحميه غذائيه معينه
وخلاص بأت حالته معقوله وضغطه أنظبط
بتعمل أيه تانى علشان تتأكد من نسبة الكوليسترول عنده والدهون الضاره زى ال LDL
بأت نسبتها مقبوله
علشان مترجعش حالته تسوء تانى
بتطلب منه التشييك مره تانى على مكونات دمه ومدى تواجد كولسترول ضار ودهون
ضاره بجسمه ولا لا ( بعمل تحاليل طبيه )
_____________________
نفس القصه بالضط
فالتشييك على خلوص التاكيهات ...........ليس معناه عيبا
وأنما
هو مجرد عملية تحاليل ميكانيكيه
للتعرف على أن الخلوص مازال فى الحدود الفنيه المقبوله ولا لا
لأن المنظومه كمان عندكم أكثر تعقيديا
ومختلطه بين هيدروليك وميكانيكا
يعنى فعلا منظومه مش كويسه فنيا وعاوزه تشييك كل ما نحس بعلو أصوات
وعاوزه كمان تغيير الزيت فى ميعاده هو والفلتر
وعدم السماح للزيت بالغياب بالمكنه وأسوداد لونه بطريقه قاتمه
لأن ده حيبوظ شغل الكستبانات وشغل التاكيهات اللى فوقها كمان