رد: جلب المقصات نوبيرا 1
شكرا على الردود يارجاله و الله انتو جدعان موووت .... انا حجيبلكوا من الاخر اللى انا عملته و ظبط و الحمدلله ميه ميه عشان انا طلع 3 تربتيتى فى الموضوع ده المهم نهايته ... انا جبت جلب مقصات اصلى GM بتاعة نوبيرا لقيتهم بالعافيه عند واحد اسمه الخواجه فى شارع البحر الاعظم فى الجيزة ب 130 جنى اشطه .... و روحت للعفشجى (تحت بيتنا ) المهم فكللى المقصات و قاللى سليمه قولتله اشطه و المهم الحل من النهايه خلى العافشجى يفك
1- المقصات(و هى تحتوى على بيض المقصات و الجلب ) ملحوظه مهمه جدا : لو بيض المقصات تمام يبقى اشترى جلب مقصات بس اما لو بيض المقصات بايظ يبقا لازم المقصات تتغير 2-خلى العفشجى يفك البارات
3 - خد البارات و المقصات و الجلب الجديده الGM و روح لخراط محترم و قولو كالتالى
يا عم الحج اكبسلى 3 حاجات بيض المقصات و الجلب الجديده و البارات ...... و حياخد 60 جنى اشطه .... بكدا من الاخر يبقا انتا خلقت مقصات جديده احسن الف مليون مرة من اللى مضروبه فى السوق .....ثم ارجع تانى للبيه العفشجى خليه يركب المقصات و البارات و قوله يقرطلك على العفشه كلها .... ثم خد عزيزة .... يعنى النوبيرا .... و روح على اقرب واحد بتاع زوايا كمبيوتر .... و قوله ظبط ياريس .... بكدا يبقا انتا خلاص انجزت جدا جدا جدا و شكرا لكل الشباب
|