[خالدخليفة]

الحادثة ( 4 )
مواقـف وطرائـف

ميدو و...زيزو
وميدو هذا تاجر مخدرات قديم ولكنه تعب من كتـر الحبس
فقرر قرارا هاما




وهو



تغيــير نشاطه الى البرشام ولكن لابد من الهدوء فترة لكى ينساه رجال المباحث
وبالفعل اشتغل عند تاجر من كبار تجار شارع عبد العزيز وكان يجر القزق (عربة حديد عليها البضائع ) من المحل الى المخزن وبالعكس
وكان دخله الشهرى بعد الوهبة او الاكرامية حوالى 1500 جنيه
وربنا اكرمه ببنت يتيمة ومحترمة ومتدينة جدا
تزوجها وانجبت منه بنت
ولكن الطمع وحش
فقرر ان يفرش فرش ملابس فى ميدان الاوبرا
وكان يـبـيـع ويكسب يوميا اكتر من 50 جنيه
ثم بدأ يذهب الى تجارة البرشام
وكان يربح منه كثيرا وبانت عليه الأرباح من لبس ومصاريف رغم انه لايبيع كثيرا
وكان يحلف لى ويقول / والله ياعم خالد ايام الفقر كان تال 1500 جنيه مقضيانا لكن الفلوس بتاعة البرشام دى ملعونة اكسب كتير جدا ومش عارف بـيـروح فين
قلت له / ربنا مش بـيـبـارك فيه
ولم يهتم بكلامى
وفى يوم قرر ان يتخذ مساعدا له لان الانظار اصبحت كثيرة عليه
وتعرف على زيزو
وزيزو هذا شخصية غبـيـة جداااااااا رغم ذكاء ميدو الجبار لكنه كان يحب زيزو لانه أمين جدا ويأ تـى له بالفلوس التى دفعها الزبون بالتمام والكمال مش ناقصة ولامليم
وضحكت..........
حتى فى تجارة المخدرات الأمانة مطلوبة
ولكن غباء زيزو ذهب بميدو الى السجن عدة مرات
فى احدى المرات كان ميدو وزيزو يركبان تاكسى من ميدان الحسين الى التحرير
وكان معهما كمية برشام كبيرة وكانت فى جيوب زيزو كلها
ونزل التاكسى من كوبرى الأزهر الى ميدان الأوبرا ليجد كمين فى ميدان الأوبرا
زيزو برعب / كمين يامعلم .... كمين ... كمين
ميدو بثبات / طب وأيه يعنى ؟؟؟ هو احنا خايفين من حاجة والا معانا حاجة ؟؟؟؟
زيزو / والبضاعة اللى معانا دى هنعمل فيها أيه ؟؟؟
وسكت ميدو واحمر وجه سائق التاكسى من الخوف
وكان لن يقف فى الكمين لكنه توقف بعد جملة زيزو
واحس الضابط بشىء ما
فقال لميدو / بطاقتك
ميدو / اتفضل ياباشا
وبعد ان رآها اعادها اليه
ثم قال لزيزو معاك حاجة ياله (ياوله / ياواد )
زيزو / شوية البرشام دول ياباشا .... واخرج كل مامعه من برشام
ميدو قائلا لى / مش يقول ممعاييش حاجة ؟؟؟ او يرميه تحت كرسى السواق ؟؟؟ لكنه مبيكدبش و واتحبسنا طبعا هههههههههههههههههههه
اما تاجر مخدرات شريف صحيح ...........هههههههههههههه هه
ومرة اخرى
ميدو فى البيت وكان غير سكنه لكى لايعرف طريقه رجال مباحث القسم وفوجىء بزيزو ومعه رجال المباحث
ميدو / خير ان شاء الله
زيزو / ابدا وانا مودى البضاعة لفلان قابلونى وسألونى ايه ده فقلت لهم وسألونى عليك فين فجبتهم لحد البيت
هههههههههههههههههههههه
مرة اخرى
ميدو وزيزو بعد توزيع البضاعة قررو الذهاب للبيت
ومعهم فلوس البضاعة
وقابلهم رجال المباحث
وبعد تفتيشهم
وجدو فلوس كثيرة مع ميدو
فسألوه / منين الفلوس دى
ميدو / انا حصلت فلوس من الزباين ورايح موديها للحاج
الحاج مين
الحاج حسنين تاجر جملة كبير منى فاتورة
زيزو سائلا ميدو امامهم / هو الحاج حسنين بقى يتاجر فى الصنف وبطل تجارة القماش؟؟؟؟
والتقط الجملة رجال المباحث
وتم حبس ميدو وزيزو
ميدو يتفاخر انه لديه 87 سابقة لكن نصيب زيزو فيهم 14
وحين علمت زوجته انه يتاجر فى المخدرات قاطعته ولم تـأ تى لزيارته
وكلمته وقلت له / فكر فى بـنـتـك عايز تجوزها تاجر مخدرات ؟؟؟
قال / لأ
ليه
شخصيات كلها و......
طب وتفتكرلما يجيلها شاب محترم ويعرف انك كده هيرضى بيها ؟؟؟
سكت
ولما تكبر متعرفش تمشى جنبها لانها مكسوفة منك يرضيك كده ؟؟؟ مش مفروض بنتك تتفاخر بيك ؟؟؟
بكى كما الأطفال
وقال / انا تبت واوعدك انى هصلى وابطل المخدرات واشتغل بشرف
اوعد ربنا متوعدنيش انا
حاضر
لكن كان متطرفا فى صلاته
فكان يوقظ كل الحجز فى الفجر
الذين يصلون لكى يصلو الفجر
والذين لايصلون لكى يوسعو المكان للمصلين
ويشتم الجميع ويسكب عليهم الماء
وكانو يهابنوه خوفا منه
هههههههههههههههههه